Astanada 1 120 myŋdai halyq ömır süredı. Olardyŋ 280 myŋy, iaǧni 25 paiyzy şetkı aimaqtarda tūryp jatyr. Osyǧan orai 2019-2021 jyldarǧa arnalǧan tūrǧyn üi alaptaryn damytu baǧdarlamasy jasaldy.
Şetkı aimaqtardy damytu baǧdarlamasy jasalǧanda onda, eŋ aldymen jol jäne injenerlık infraqūrylymnyŋ joqtyǧy, äleumettık jäne äkımşılık nysandardyŋ tapşylyǧy, sondai-aq atalǧan öŋırlerdı abattandyru mäselesı eskerıldı. Qazırgı künı elordanyŋ 16 tūrǧyn üi alaptarynda jalpy ūzyndyǧy 25 şaqyrymnan asatyn 39 köşe joldary jöndelıp, jaŋadan salyndy. Prigorodnyi eldı mekenınde jaŋadan 800 oryndyq mektep pen «Aspan» sport keşenı boi köterdı. Öndırıs, İlinka jäne Köktal-2 tūrǧyn alaptarynda sporttyq oiyn alaŋdary, ambulatoriialyq ortalyq aşyldy.
Köktal-2 eldı mekenınde aǧymdaǧy jyldyŋ basynda aşylǧan medisinalyq ortalyqtyŋ bas därıgerı Gülnär Moldaǧalievanyŋ aituynşa, mekeme alǧaşqy medisinalyq kömek körsetuge qajettı jabdyqtardyŋ bärımen jabdyqtalǧan. Aumaqtaǧy 11 uchaskege 8 därıger mamany qaraidy. Ortalyq aumaqtaǧy 17 myŋnan astam tūrǧyndar men sondaǧy 2 kolledjdıŋ oquşylary men oqytuşylaryna qyzmet körsetedı.
– Bız būǧan deiın basymyz auyryp, baltyrymyz syzdasa, №5 emhanaǧa sabylatynbyz. Audan aumaǧy ülken bolǧandyqtan emhana bızden bıraz qaşyqta ornalasqan, ärı kısınıŋ köptıgınen kezek kütuge tura keletın. Osy ortalyq aşylǧaly jaqsy boldy, üiımızdıŋ ırgesınde, ärı kerek mamandardyŋ bärı bar. Endı alystaǧy emhanaǧa baryp jürudıŋ, kezek kütudıŋ maşaqatynan qūtyldyq, – deidı Gülderai esımdı köpbalaly ana.
Bas därıgerdıŋ aituynşa, aldaǧy jyly ortalyqqa stomatologiialyq qondyrǧy ornatylady eken. Iаǧni keler jyldan bastap Köktal-2 alabynyŋ tūrǧyndary osy jerden tısterın de emdete alatyn boldy.
Tūrǧyn üi alaptaryn damytu:
Problemalar:
jol jäne injenerlık
infraqūrylymnyŋ joqtyǧy
äleumettık jäne äkımşılık
nysandardyŋ tapşylyǧy
aimaqtardy abattandyru
mäselesı
Şeşımı:
aimaqtarda 39 köşe salyndy jäne jöndeldı
Prigorodnyi t/a 800 oryndyq mektep jäne «Aspan» sport keşenı salyndy
Öndırıs, İlinka jäne Köktal-2 t/a sporttyq oiyn alaŋdary, ambulatoriialyq ortalyq aşyldy
