Astana qalasy mäslihaty men tūraqty komissiiasy «Nūr Otan» partiiasy deputattyq fraksiiasynyŋ otyrysy öttı. Kün tärtıbınde 2019-2021 jyldarǧa arnalǧan qala biudjetınıŋ jobasy qaraldy.
Jiynda alǧaşqy bolyp söz alǧan strategiialyq jäne biudjettı josparlau basqarmasynyŋ basşysy Rasul Orazǧūlov qala biudjetındegı 3 jyldyq kırıs-şyǧys pen qanşa qarjynyŋ qaida jūmsalatyny turaly baiandady.
– Boljamǧa säikes, 3 jylǧy, iaǧni 2019-2021 jyldardaǧy kırıs mölşerı 858 milliard teŋgenı qūrap otyr. Sonyŋ ışınde salyq tüsımı – 841 milliard, salyqtan tys kırıs – 3,8 milliard teŋge, negızgı kapital satylymynan
12,2 milliard teŋge bolady dep josparlanuda. 2019 jylǧy kırıs mölşerı
272,5 milliard teŋge bolsa, onyŋ salyqtan tys kırısı – 1,2 milliard, negızgı kapital satylymynan 7,1 milliard teŋge bolady. Iаǧni kırıs mölşerınıŋ 97 paiyzy salyq tüsımınen bolady dep kütılude. Al 3 jyldyŋ şyǧyn mölşerı – 1 trillion 114 milliard teŋge. Sonyŋ ışınde 2019 jylǧy şyǧyn mölşerı biylǧy bekıtılgen biudjettık josparǧa säikes, 9 paiyzdyq ösımmen eseptegende 422 milliard teŋgenı qūraidy, – deidı basqarma basşysy.
Onyŋ aituynşa, audan äkımdıkterıne biudjetten 30 mlrd teŋgeden asa qarjy bölınedı. Mysaly, Almaty audanyna
8 mlrd 670 mln teŋge bölınse (4,9 mlrd teŋgesı tazalyqqa, 2,7 mlrd teŋgesı abattandyruǧa), Baiqoŋyr audanyna 4 mlrd 315,6 mln teŋge, (2,4 mlrd teŋge tazalyqqa, 1,3 mlrd teŋge abattandyruǧa), Saryarqa audanyna 6 mlrd
613,1 mln teŋge (3,8 mlrd – tazalyqqa, 2,1 mlrd teŋge – abattandyru), Esıl audanyna 11 mlrd 677,5 mln teŋge (6,4 mlrd – tazalyqqa, abattandyru – 4,4 mlrd teŋge) audarylady. Al 37 mlrd 222,2 mln teŋge qalanyŋ jylu energetikalyq keşen jüiesın damytu jūmystaryna bölınbek.
Öz kezegınde söz alǧan deputat Zeinolla Şıbkenov basqarma basşysynan Baiqoŋyr audanyna qarjynyŋ nege az bölıngenın sūrady.
– Jaŋa audan üşın būl qarjy tym az. Öitkenı basqalaryna qaraǧanda eŋ artta qalǧan audan osy. Ondaǧy «Öndırıs», «Kirpichnyi» siiaqty qala syrtyndaǧy tūrǧyn alaptardyŋ mäselesı şaş etekten. Jaryq tartylmaǧan, joldary jöndelmegen köşeler köp onda. Kerısınşe, osy audanǧa köbırek qarjy bölınuı kerek edı, – dedı ol.
Būl sūraqqa jauap bergen basqarma basşysy biudjet qarjysy normativke säikes, audandardyŋ ornalasu tyǧyzdyǧyna qarai qarastyrylǧanyn atap öttı. Al jaryq tartu mäselesı memlekettık-jekemenşık ärıptestık baǧdarlamasy boiynşa investorlar esebınen jürgızıletının jetkızdı. Alaida jauapqa qanaǧattanbaǧan deputattar normativterdı qaita qarastyru kerektıgın aitty.
