Astana qalasynyŋ äkımı Jeŋıs Qasymbek «Şūbar» audanynyŋ tūrǧyndarymen kezdestı. Audan tūrǧyndary su qūbyry, kärız jelılerın salu, gaz qūbyryn tartu, şaǧyn audandy abattandyru, baǧdarşamdar ornatu, qoljetımdılık aiasynda äleumettık nysandar salu, zaŋsyz tamaqtanu oryndaryn retteu jäne taǧy basqa jüielı mäselelerdı köterdı.
«Şūbar» şaǧyn audanynyŋ tūrǧyndarymen kezdestım. Mūnda 4 myŋǧa juyq adam tūrady. Kezdesu barysynda şaǧyn audan tūrǧyndary tarapynan su qūbyry, kärız jelılerın salu, gazdandyru, şaǧyn audandy abattandyru, baǧdarşamdar ornatu, qoljetımdılık aiasynda äleumettık nysandar salu, zaŋsyz tamaqtanu oryndary jäne taǧy basqa mäseleler köterıldı. Su qūbyry jäne tūrmystyq kärız jelılerı boiynşa jobalau jūmystary jürıp jatyr, saraptamadan şyqqannan keiın jelılerdıŋ qūrylysy bastalady. Gazdandyru – auqymdy jäne ülken jūmysty qajet etetın prosess. Qazır «Şūbar» şaǧyn audany boiynşa jobalau jūmysy jürıp jatyr. Biyl jetkızuşı gaz qūbyrynyŋ qūrylysy bastalady. Al kvartalışılık jelılerdıŋ qūrylysyn kelesı jyly bastaimyz, osynyŋ arqasynda şaǧyn audan tūrǧyndary üilerıne kögıldır otyndy qosa alady. Osyǧan deiın Almaty men Saryarqa audandarynyŋ tūrǧyndaryna gazǧa qosylu mümkındıgı jasalǧan» dep tüsındırdı mäselelerdı qala basşysy.
Äkım audandardyŋ, eldı mekenderdıŋ tūrǧyndarymen tūraqty kezdesulerın jalǧastyratynyn aitty. «Kezdesulerdıŋ qorytyndysy boiynşa tiıstı jūmystardy oryndau kestesın jasaimyz» dep jazdy äleumettık jelıdegı paraqşasynda J.Qasymbek.
