Mūndai datchikter Baiqoŋyr audanyndaǧy äleumettık jaǧynan az qamtylǧan jäne köpbalaly otbasylar men jalǧyzbasty qariialardyŋ 70-ke juyq üiın qamtymaq. Būdan bölek, osy audandaǧy tūrmysy tömen otbasylarǧa kömek körsetu maqsatynda 30 üidıŋ peş qūbyrlaryn tazartu jūmystary jürgızılmek.
Al Saryarqa audanyndaǧy osyndai sanattaǧy otbasylardyŋ üiıne 500 uly gaz datchigı men 500 tütın datchigı ornatylady dep josparlanuda. Saryarqa audanyndaǧy jeke sektor üilerın aralaityn mobildık top qūrylyp, onyŋ qūramyna TJ basqarmasy men jergılıktı polisiia qyzmetkerlerı jäne erıktılermen qatar, käsıpkerlerdıŋ qoldauymen peş mamandary da tartylǧan. Olar äleumettık-älsız topqa jatatyn tūrǧyndar üilerınıŋ örtke qarsy qauıpsızdıgın tekserıp, mūrjalardy tazalau jūmysyn da jürgızbek.
– Profilaktikalyq jūmystar jylytu mausymy bastalǧan uaqyttan berı jürgızılıp keledı. Soŋǧy tötenşe jaǧdailarǧa bailanysty būl jūmystar küşeitılgen rejimge köştı. Soǧan orai senbı-jeksenbı künderı departament garnizonynyŋ jeke qūramy jer üilerge reid jasap, örtke qarsy qauıpsızdık şarasyn tüsındıru jūmystary jürgızıldı. Al uly gazǧa arnalǧan datchikter demeuşıler qarjysyna ornatyluda. Sonymen qatar keibır üilerdıŋ mūrjalaryn tazalaudy da qolǧa alyp jatyrmyz. Bıraq tūrǧyndardy bıreudıŋ keluın kütpei, özderı de üilerın barynşa kütıp, qauıpsızdık şaralaryn qataŋ ūstanuǧa şaqyramyz, – deidı Baiqoŋyr audany Tötenşe jaǧdailar basqarmasynyŋ basşysy Erkın Otarǧalymūly.
Aita ketu kerek, bes balanyŋ ömırın jalmaǧan elordadaǧy uaqytşa tūrǧyzylǧan üilerdıŋ bırınde bolǧan qyzyl jalynnyŋ sebebı anyqtaldy. QR IIM TJK Azamattyq qorǧau salasyndaǧy apatty jaǧdailardyŋ qauıp-qaterın tömendetu men baqylau basqarmasy basşysynyŋ orynbasary Jasūlan Aqtaevtyŋ mälımetınşe, üidıŋ töbesı men ys sorǧyştyŋ arasynda qajettı araqaşyqtyq qarastyrylmai, mūrja dūrys bekıtılmegen.
