Elordamyz jaiynda äŋgıme qozǧalyp ketse, ekınıŋ bırı būl qalanyŋ masasy köp ekenın aitpai qoimaidy. Şynymen de, bas qalamyzdyŋ ekı erekşelıgı bolsa, sonyŋ bırı – şybyn-şırkeiı, sondai-aq borany men aiazy bolsa kerek.
Būl ekeuı qalanyŋ kommunaldyq şaruaşylyqtary üşın eŋ jauapty jūmystardyŋ qatarynan sanalady. Jyldaǧy qarbalas jūmys. Degenmen jyldan-jylǧa şybyn-şırkeidı azaituǧa baǧyttalǧan sanitarlyq şaralar küşeiıp keledı. Sonyŋ bır aiǧaǧy, keşegı mereke künderınde de qala boiynşa masamen küres jūmystary toqtausyz jürgızıldı.
Arnaiy qyzmettıŋ mamandary masa-şırkeilerdı ekı ese qarqyndy küşpen ulau jūmystaryn jalǧastyruda. Bügıngı taŋda 123 maman dezinseksiiamen ainalysuda. Äsırese, qala tūrǧyndary men qonaqtarynyŋ eŋ jiı baratyn jerlerıne erekşe nazar audaryluda. Negızı, masalardy ulau 6 kezeŋge bölıngen. Qazır üşınşı kezeŋ aiaqtalyp qaldy.
Eske sala ketsek, elorda künınde keşkı seruenge şyqqan astanalyqtar men qala qonaqtary masa-şırkeidıŋ kesırınen älekke tüskenın äleumettık jelıler arqyly şaǧymdanyp aitqan bolatyn. Sodan berı qaladaǧy qansorǧyş jändıkterdı joiu jūmysy toqtatylǧan emes. Qanatty qansorǧyştardyŋ şekten tys köbeiıp ketuıne aua raiy da äser etkenı sözsız. Aptap ystyqtan keiıngı jaŋbyrdan soŋ şybyn-şırkeidıŋ qarasy da köbeiıp şyǧa keldı. Osyndai jaǧdaiǧa bailanysty är audan boiynşa dereu dezinfeksiialyq ıs-şaralar ötkızıldı.
«Masalardyŋ paida boluy men köbeiu merzımı jetı künge sozylady, alaida aua raiynyŋ qolaisyzdyǧyna bailanysty olardyŋ jetılu merzımı ekı künge deiın qysqarady. Sondyqtan şybyn-şırkei kürt köbeiıp ketken» deidı qalalyq Tauarlar men qyzmetterdıŋ sapasy men qauıpsızdıgın baqylau departamentınıŋ basşysy Säduaqas Baiǧabylov.
Şybyn-şırkeidı joiu maqsatynda Esıl audany boiynşa «Jetısu» jäne «Stolichnyi» saiabaqtary, Esıl özenınıŋ jaǧalauyndaǧy amfiteatr, Astanalyq sirk, «Astana» konsert zaly, «Han Şatyr» SOO aumaǧy, «Ürker» tūrǧyn alabynyŋ №2 sektor uchaskesı, «Ürker» tūrǧyn alabynyŋ №2 uchaskesı, «Barys-Arena» sport keşenı, «Astana Opera», «Astana Balet», EKSPO keşenınıŋ jazǧy sahnasy, «Happylon MEGA Silk Way» jäne «Happulon Keruen» oryndarynda masadan tazartu şaralary jürgızıldı. Oǧan 2 entomolog, 26 dezinfektor, 3 termogenerator brigadasy, 3 avtokölık, 1 mikroavtobus, 1 DU-1000 tehnikasy jūmyldyryldy. Almaty audany boiynşa Oŋtüstık-Şyǧys şaǧyn audanynyŋ oŋ jäne sol jaǧy tazalandy. Oǧan 3 brigada, 3 avtokölık, 3 biolog qatysty, olar tiıstı jūmysty termogeneratorlar, jel generatory jäne rotorlyq bürıkkışter arqyly jürgızetın bolady. Saryarqa audany boiynşa «Köktal-1» tūrǧyn alabynyŋ aumaǧy öŋdeldı. Masa-şırkeige qarsy jūmysqa 2 termogenerator brigadasy, 3 avtokölık, 1 entomolog jäne 1 DU-1000 tehnikasy jūmyldyryldy. Eger masa-şırkei taǧy da kürt köbeigen jaǧdai bolsa, olarǧa qarsy şabuyl kez kelgen künı jürgızıle beredı.
– Bız qalanyŋ qaq ortasynan ötetın Aqbūlaq arnasyna jaqyn tūramyz. Kün jylynyp ketkelı masanyŋ köbeiıp ketkenı baiqalady. Äsırese, keşke qarai şybyn-şırkeiden mazamyz ketıp jürdı. Degenmen soŋǧy künderı eptep azaiǧany aŋǧaryldy. Öitkenı qolyna apparat ūstaǧan jūmysşylar kündız de, tünde de dezinfeksiia jasap jür, – deidı Abylai han daŋǧylynyŋ tūrǧyny Temırbolat Moldiiarov.
İä, şybyn-şırkeige qarsy şaralar üdegen saiyn olardyŋ qatary da seiıle bastaityny sözsız. Būl rette dezinfeksiia şaralarymen qatar, sanitarlyq tazalyq jūmystary da üzdıksız jürgızıluı kerek.
