«Jastar» saraiynda mümkındıgı şekteulı jandar arasynda «Şeksız şyǧarmaşylyq-2017» atty IV aşyq qalalyq festival öttı. Astana qalasy äkımdıgınıŋ qoldauymen törtınşı märte ūiymdastyrylǧan şaranyŋ byltyr auqymy keŋeidı.
Sondyqtan şaraǧa biyl astanalyqtarmen qatar Pavlodar, Petropavlovsk, Semei, Almaty qalalarynan kelgen 100-den asa adam qatysty. Olar «Estradalyq vokal», «Horeografiia», «İşara tılınde än oryndau», «Şeksız sūlulyq» atalymdarynda öner körsettı.
«EKSPO 2017. Bolaşaq energiiasy» aiasynda ūiymdastyrylǧan festivaldı aşqan QR Eŋbek sıŋırgen qairatkerı, «Altyn dän» halyqtyq bi ansamblınıŋ jetekşısı, qazylar alqasynyŋ töraiymy Liudmila Gosenko atalmyş baiqau mümkındıgı şekteulı jandardyŋ ışten tynyp jüruıne jol bermei, belsendı ömırge beiımdeitının, talanttarynyŋ jarqyrap körınuıne mümkındık beretının atap öttı.
Festivalge jaŋadan qosylǧan «Şeksız sūlulyq» atalymynyŋ qatysuşylary aldymen sahnaǧa şyqty. Qyzdar özderın tanystyryp, bi biledı. İşara tılınde än oryndap, özderınıŋ akterlık daryndaryn körsettı.
«Estradalyq vokal» atalymynda astanalyq Azamat Temırbaev «Kezdesu men qoştasu» änımen körermenderdıŋ ystyq yqylasyna bölendı, al Rüstem Bılälov Salvatore Adomenıŋ kürdelı änınıŋ bırı – «Tombe la neige» şyǧarmasyn oryndady. «Şeksız şyǧarmaşylyq» baiqauyna bırneşe ret qatysqan qaraǧandylyq Arman Qarynsau da barşany taǧy da täntı ettı. Jalpy, biylǧy festivalge 20 şaqty vokalist qatysty. Qazylar alqasy olardyŋ bärı de jeŋıske laiyq ekenın atap öttı.
«Horeografiia» men «İşara tılınde än oryndau» atalymyna qatysqandardyŋ önerı de joǧary baǧalandy. Saltanatty marapattau räsımınde öner körsetkenderdıŋ barlyǧy da syilyqsyz qalǧan joq.
Jalpy, tört jyl ışınde festivalge 150-ge juyq adam qatysty. Geografiialyq auqymy keŋeigen şaraǧa jylda jaŋa atalymdar qosyluda. Şart boiynşa oǧan 18 jastan asqan mümkındıgı şekteulı jandar men öner toptary qatysyp keledı.
Amanǧali QALJANOV
