Şyǧystyŋ Şaǧilasy

 Elı üşın erlıgı eren, eŋbegı eleulı, toqsan jas ǧūmyrynda taǧdyr sahnasynda talaidy körgen şyǧystyŋ şūǧylasy, qazaqtyŋ qaisar qyzy ŪOS ardagerı, ūlaǧatty ūstaz Şaǧila Qūsanovany biylǧy qaŋtarda qalyŋ qazaq qimastyqpen aqtyq saparǧa şyǧaryp salyp edı. Ertıs boiy erkeletıp, esıl ömır erte eseitken, ortasynan osal bolmai, Otan üşın otqa tüsıp batyr atanǧan erjürek qyzyn elorda jūrty eske alyp, Qazaq Ūlttyq öner universitetı «Qazaqstan tarihy jäne gumanitarlyq pänder» kafedrasynyŋ ūiymdastyruymen Şaǧila Äkımbaiqyzynyŋ ruhyna arnalǧan «XXI ǧasyrdyŋ ülgı bolar tūlǧasy» atty eske alu keşı öttı. 

Erlıgımen tarihtan oryn alyp, al eŋbegımen tarih ǧylymyna orasan üles qosqan, ūstazdyq jolynda tereŋ bılımı talapty şäkırtterıne taptyrmas när bolǧan Şaǧila apamyzdyŋ esımı ūlyqtalǧan keş keiıpkerdıŋ soǧys jyldaryndaǧy ömırın beineleitın kompozisiiadan bastaldy. Atalmyş oqu or­ny­nyŋ «Drama teatr akterı» ­ oqityn I-II kurs studentterı qatysqan qo­iylymda jas Şaǧilanyŋ äsker qataryna ötıp, soǧysqa attanuy, maidan alaŋynda qūrbysy Ziiadan aiyryluy, batyr qyzdyŋ er-jıgıttermen qatar erlık körsetuı, jeŋıske jetu bärı de suretteledı. Şaǧila Qūsanovanyŋ rölınde Asylzat Kulova oinasa, Ziia Dosbergenovanyŋ rölın Rabiǧa Aitkenova somdady.
Eske alu keşınde jinal­ǧan qauymǧa Şaǧila Äkımbai­qyzynyŋ ömır joly jaily maǧlūmat berılıp, ūstaz qūr­metıne mazmūndy än, maǧynaly sözder aityldy. Soǧys ardagerı, ǧalym, ardaqty ūstaz, aiauly ana bolǧan osynau ǧajap tūlǧanyŋ közın körgen bır top ziialy qauym ökılderı, oqytuşylar men studentter qatysqan şarada Qazaq Ūlttyq öner universitetınıŋ rektory, QR Halyq ärtısı Aiman Mūsaqojaeva, filologiia ǧylymdarynyŋ doktory Dihan Qamzabekūly, tarih pänınıŋ oqytuşysy Qūralai Bai­mūhanova estelıkter ait­ty. Al şäkırtterı atynan QR Memlekettık jastar syi­lyǧynyŋ iegerı, aqyn Qal­qaman Sarin ūstaz ruhyna arnap jyr joldaryn arnady.
Keş soŋynda beibıt ömır­degı batyr apamyzdyŋ ūla­ǧatty ömır joly jaily teatr­landyrylǧan sahnalyq kompozisiia ūsynyldy. Būl kompozisiiada jas akterler Şaǧila Äkımbaiqyzyna arnalǧan maidanger aqyn Äbdıkärım Ahme­tov pen Saqypjamal Öteǧalieva­nyŋ öleŋderınen üzındı oqydy.

Gülmira SARİNA,
QR eŋbek sıŋırgen qairatkerı