Qazır qoǧamda äleumettık jelılerdıŋ atqaratyn qyzmetı joǧary bolyp tūr. Sondyǧynan bolar, onda bızdıŋ kündelıktı ömırımızge qatysty köterılgen keibır özektı mäseleler blogerler arasynda ülken qozǧau tuǧyzyp, artynşa tiıstı oryndar tarapynan oŋynan şeşılıp jatyr. Mūnda qozǧalǧan keibır taqyryp jelıdegı jūrtty oilandyruǧa şaqyrady. Jurnalist Aidana Şotbaiqyzy būdan bırqatar uaqyt būryn adamǧa sondai oi salatyn jazbanyŋ bırın Facebook jelısı paraǧynda jariialady. Onda söz bolatyn oqiǧa Astanadaǧy restorandardyŋ bırınde ötken. Bız bügın sol maqalany oqyrman nazaryna ūsynyp otyrmyz.
Jūmystan keiıngı jūmyspen meiramhanada otyr edım. Şetkı orynǧa jaiǧasa salǧam. Kıreberıske jaqyn bolsam da, ışı jyly eken, syrtqy esık aşylyp-jabylyp-aq tūr äitpese. Qarsy otyrǧan qonaǧymnan keregımdı alyp qalaiynşy dep, sūraqtarymdy tüidektetıp qoiyp, söiletıp otyrmyn. Qalam qolda, aragıdık aitqandaryn türtıp alamyn.
Bır kezde qūlaǧyma aǧylşynşa söilegen dauys estıldı. Jalt qarasam, bır şeteldık äiel aldynan elpıldep şyǧa qalǧan daiaşyǧa söilep jatyr eken. Aǧylşyn tıldılerdıŋ emosiiasy qosa söileidı ǧoi, ol otyz ekı tısın körsetıp, oryn bar-joǧyn sūrap tūr. Orysşasyna jauap ala almaǧan daiaşy bolsa bazardyŋ qaq ortasynda şeşesınen köz jazyp qalǧan bala sekıldı jäuteŋdep tūrdy da qaldy.
Aldymdaǧy adamǧa «bır minut» degen işara jasadym da, şeteldıktıŋ janyna jaqyndap: «Sızge kömek kerek pe?» dep sūradym. Ol: «Aldyn ala oryn almap edım, otyruǧa bola ma?» dedı. Meiramhana qyzmetkerlerınen sūradym da, jauabyn aittym. Aǧylşyn äiel menen bır oryn ärı jaiǧasty. Ūzyn boily, külımdegen kelınşek eken. Men oryndy nūsqap, jetelep jatqanda, qonaǧyn közımen jaiǧastyryp, auzy aşyla qalǧan daiaşy qyz aşyqtan-aşyq orysşasyn şaşyp: «Tapsyrys aluǧa kömektesıŋızşı» dep jabysty.«Jaraidy» dep bardym. «Bastysy qonaq riza bolsyn» degen oi ǧoi. Daiaşy mäzırdı alyp keldı. Kenet AQŞ-tan kelgen meimanym: «Mäzırdıŋ ne aǧylşynşasyn, ne qazaqşasyn berıŋız» dep tura menıŋ ana tılımde sairap ketkende, odan aǧylşyn sözın kütıp tūrǧan men taŋdanǧannan ne derımdı bılmei tūryp qaldym. Ol kırıp kelgendegı oqiǧany daiaşy orysşa söilep qarsy alǧandyqtan, jauaby avtomatty türde öz ana tılınde şyǧyp ketkenımen tüsındırdı. Sosyn meiramhananyŋ ortasyna bardym da: «Qazaqşa bıletın daiaşy bar ma?» dep dauystadym.
Bır sary bala jügırıp keldı. «Marhabat, mūnda sız kereksız!» dedım. Oŋtüstıktıŋ tumasy eken, qazaqşa bıletını üşın bügın özge ärıptesterınen erekşe syily bolyp şyǧa keldı.
Sindi tapsyrys berdı, onysy daiyn bolam degenşe az-kem tıldestık. Astanada jetı jyldan berı tūrady eken. Keide tüsınuge kedergı keltıretın aksentı bolmasa, qazaqşasy öte jaqsy.
Orysşa ortada osynşa uaqyt jürıp, orys tılın qalaişa üirenbegenın bılgım kelıp: «Qazaqşaŋyz tamaşa eken, sızge rizaşylyǧymdy bıldıremın. Alaida, aityŋyzşy, sız müldem orysşa bılmeisız be?» dep sūradym.
Sol kezde elordada şäkırtterge aǧylşyn tılınen sabaq beretın Sindi: «Maǧan orys tılı onşalyqty kerek emes» dep sart etkızdı. Mūnysy bızdı qamşymen salyp qalǧandai boldy. «Barlyq ortada mındettı türde qazaqşa qyzmet etetın adam
tabylady» dep jalǧady ol sözın senımdı türde.
Osydan keiın aǧylşyn äielıne qazaqşa da, aǧylşynşa da jiǧan-tergen bar qūrmet sözderımnen, alǧystan basqa aitarym bolmady. Myna jaǧdaidan keiın qazaqşa bıletını üşın özgelerden özgeşe tabys tabatyn bauyrlarymnyŋ, «Maǧan qazaqşa qyzmet körsetıŋız» deitın qazaqstandyqtar men qonaqtardyŋ qatary uaqyt ozǧan saiyn artyp kele jatqanyna közım jettı.
Aidana ŞOTBAIQYZY
