Skriningtık zertteuler arqyly adam aǧzasynda paida bolǧan aurudyŋ asqynuyn der kezınde anyqtap, onyŋ aldyn aluǧa bolady. Därıgerler sol mümkındıktı ötkızıp almai, emhana mamandarynyŋ aituy boiynşa skriningten ötuge şaqyrady.
TMKKK, iaǧni tegın medisinalyq kömektıŋ kepıldendırılgen kölemı arqyly saqtandyrylmaǧan azamattar üşın qandai skriningtık tekseruler qoljetımdı? 30-39 jas aralyǧyndaǧy äielder mınez-qūlyq qauıp faktorlaryn erte anyqtau üşın skriningten ötedı. Temekı şegu, dūrys tamaqtanbau, dene qimylynyŋ joqtyǧy nemese alkogoldı şamadan tys tūtynuǧa bailanysty pasientke salauatty ömır salty men dūrys tamaqtanu turaly ūsynymdar berıledı.
40 jastan 70 jasqa deiıngı erler men äielder arteriialyq gipertoniiany, jürektıŋ işemiialyq auruyn, qant diabetın jäne glaukomany erte anyqtau üşın skriningten ötedı. Qan qysymynyŋ, holesterinnıŋ, qan gliukozasynyŋ deŋgeiı jäne dene salmaǧynyŋ indeksı anyqtalady. Būl rette kardiolog, endokrinolog jäne oftalmologtyŋ konsultasiialary MÄMS paketınde ǧana, iaǧni tek saqtandyrylǧan azamattar üşın qoljetımdı.
Al MÄMS paketınde saqtandyrylǧan azamattarǧa qandai skriningtık zertteuler qoljetımdı? 30 jastan 70 jasqa deiıngı äielder jatyr moiny obyryn erte anyqtauǧa tekseruden ötedı. Onyŋ ışınde PAP-test jäne tereŋdetılgen diagnostika-beine kolposkopiia, biopsiia jäne gistologiialyq zertteu jürgızılıp, beiındı mamandardyŋ konsultasiiasy berıledı. Sonymen qatar 40-70 jas aralyǧyndaǧy äielder süt bezı obyryn erte anyqtauǧa, ekı proeksiiada mammografiiaǧa tekseruden ötedı. Qajet bolǧan jaǧdaida tereŋdetılgen diagnostika – nysanaly mammografiia, süt bezderınıŋ UDZ, trepanobiopsiia, punksiialyq nemese aspirasiialyq biopsiia, gistologiialyq zertteuler jürgızılıp, beiındı mamandardyŋ konsultasiiasyn alady. Al 50-70 jas aralyǧyndaǧy erler men äielder emokult-testtıŋ kömegımen kolorektaldyq obyrdy erte anyqtauǧa tekseruden ötkızıledı.
