Elordalyq poliseiler kölıktıŋ jaŋa türıne ie boldy. Būdan bylai skuter dep atalatyn jeŋıl qozǧalysty zamanaui kölık mıngen jol-patruldık polisiia qyzmetkerlerın astanalyq saiabaqtan köruge bolady.
Qaltarysy köp oryndardy jeŋıl avtokölıkpen qadaǧalau qiyn. Astana qalasynyŋ Işkı ıster departamentı skver, saiabaq sekıldı oryndarda tärtıptı baqylau üşın ärı qylmystyŋ aldyn alu maqsatynda zamanaui elektromobil men skuter kölıgın qoldanysqa engızdı.
«Mūndai skuterlerdıŋ qyzmet etu tiımdılıgı joǧary. Baqylau bar jerde tärtıp saqtalady. Äzırge astanalyq saiabaqta ekı danasy bar. Aldaǧy uaqytta «EKSPO-2017» halyqaralyq körmesı ötetın aumaqqa osyndai skuterler men elektromobil kölıkterı alynady. Mūnyŋ kömegımen tek saiabaqtyŋ ışın ǧana emes, qoǧamdyq oryndardy da qadaǧalauǧa bolady» deidı Astana qalasy IID Jergılıktı polisiia qyzmetınıŋ Jol-patruldık polisiia polkınıŋ ştab bastyǧy Quanyş Erkınov.
Gülmira ŞARHANQYZY
