Astanada «Smart-medisina: täuelsız zerthana densaulyq saqtau jüiesınıŋ qatysuşylaryn bırıktıruşı jüie. Yntymaqtasudyŋ jaŋa mümkındıkterı» atty ǧylymi-täjıribelık konferensiia öttı. Ony ūiymdastyruşy – «INVITRO» täuelsız zerthanasy. Būl saraptamalyq ortalyq Resei, Ukraina, Belorussiia elderınde ülken sūranysqa ie bolyp, zerthanalyq diagnostika naryǧynda köşbasşylardyŋ qatarynda.
Konferensiiaǧa elımızdıŋ jetekşı därıgerlerı, bırqatar kompaniialardyŋ zerthanalyq diagnostika salasynda eŋbek etıp jürgen mamandary, QR Densaulyq saqtau jäne äleumettık damu ministrlıgınıŋ ökılderı qatysty. Ǧylymi-täjıribelık konferensiiada klinisisterge zerthanalyq diagnostika salasyndaǧy soŋǧy jetıstıkterdı, zamanaui klinikalyq zertteulerdıŋ erekşelıkterı turaly aqparat berıldı. Sonymen qatar, Qazaqstanda öz jūmysyn 2013 jyly bastaǧan kompaniianyŋ tehnologiialyq keşenınıŋ aşyluyna orai ūiymdastyrylǧan şara barysynda «Därıgerdıŋ jeke kabinetı» dep atalatyn innovasiialyq qyzmet Qazaqstan därıgerlerınıŋ nazaryna ūsynyldy. Būl qyzmet zerthanalyq zertteulerdı onlain taǧaiyndauǧa, taldama nätijelerın aluǧa, nauqastyŋ qandai da bır körsetkışterındegı özgerısterdı baǧalap, emdelu barysyn baqylap, qajet bolǧan jaǧdaida tüzetulerdı engızuge mümkındık beredı.
Därıgerdıŋ jeke kabinetınde ūsynylǧan mümkındıkterge bırınşı bolyp Almaty jäne Astana qalalarynyŋ 30 därıgerı öz baǧasyn beretın bolady. Ekı apta boiy olar testılık jaǧdaida osy qyzmettı paidalanyp, öz pıkırlerın bıldıredı. Tiıstı merzımnıŋ soŋynda är maman jüiege öz baǧasyn beredı. Olardyŋ pıkırın negızge ala otyryp, Qazaqstanda «Därıgerdıŋ jeke kabinetın» odan ärı engızu jönınde şeşım qabyldanbaqşy.
Gülnär JŪPARBEK,
L.Gumilev atyndaǧy Euraziia ūlttyq universitetınıŋ studentı
