24-28 tamyz aralyǧynda E.Rahmadiev atyndaǧy Memlekettık akademiialyq filarmoniianyŋ klassikalyq jäne estradalyq vokal bölımınıŋ ärtısı Altynşaş Mūqataeva Sochi qalasynda (Resei) ötken halyqaralyq «Icon Music Fest» festivalıne qatysty. Älemnıŋ tükpır-tükpırınen 100 ärtıs qatysqan än festivalın 25 myŋ tyŋdarman tamaşalady. Festival qorytyndysynda astanalyq änşı Gran-pridı, iaǧni bas jüldenı ielendı.
Jeŋıspen oralǧan Altynşaş Mūqataeva qala äkımı Altai Kölgınovtıŋ alǧys hatymen marapattaldy. Hatty oǧan qalalyq Mädeniet basqarmasynyŋ basşysy Sanat Şapaşov tapsyrdy.
Şyǧys Qazaqstan oblysy, Aiagöz qalasynda düniege kelgen Altynşaş bala kezınen önerge qūştar boldy. Mekteptegı baiqaularǧa qatysyp, üzdık diplomdarǧa ie bolǧan. Mänerlep oqu, än aitu syndy baiqaulardan jüldelı oryndardy ielenıp, respublikalyq baiqaularǧa joldama aldy. 2009 jyly özı armandaǧan elımızdıŋ bas qalasyna otbasymen bırge qonys audardy.
«Bärımız bırdeimız, kemsıtudı bılmeimız» atty baiqauda «Eŋ üzdık oryndauşy» atalymy boiynşa 1-orynǧa ie bolyp, respublikalyq baiqauǧa joldama alady. Respublikalyq baiqauǧa daiyndalu maqsatynda Qaraqat Äbıldinanyŋ «Qaraqat» mektep-studiiasyna tüsıp, 4 jyl vokaldan bılım aldy. 2015 jyly elorda äkımdıgı ūiymdastyrǧan «Şeksız şyǧarmaşylyq» atty festivalǧa qatysyp, joǧarǧy därejedegı diplommen marapattaldy. 2016 jyly muzykalyq bılımın şyŋdau maqsatynda Qazaq ūlttyq öner universitetınıŋ daiyndyq kursyna aqyly türde oquǧa tüstı.
2018 jyly «Astana Stars», «Mega festival», «World ART» halyqaralyq baiqau-festivaldarynda «Vokal» nominasiiasy boiynşa I oryndarǧa ie boldy. «Şeksız şyǧarmaşylyq» atty respublikalyq baiqauǧa qatysyp, 1-oryndy aldy. 2018 jyly aqyn Rahat Äbdırahmanovtyŋ sözıne jazylǧan, kompozitor Tūrsyn Şäkırdıŋ «Jüregımde ümıt barda» atty alǧaşqy änı jaryqqa şyqty.
Baian ASYLBEKOVA
