Bas qaladaǧy Ūlttyq akademiialyq kıtaphanada halyq aqyny, qazaqtyŋ änşılık-jyrşylyq önerınıŋ körnektı ökılı Kenen Äzırbaevtyŋ tuǧanyna 135 jyl toluyna arnalǧan «Ekı Kenen tumaidy, Alatauǧa ekseŋ de» atty jyr keşı boldy.
Keşke aqyn ūrpaqtary Törtken Kenenqyzy men ūly Baqytjan Äzırbaev jäne ziialy qauym ökılderı qatysty. Atamyzdyŋ mereitoiynyŋ alǧaşqy toiy biylǧy nauryz aiynda elordadaǧy Ūlttyq muzeide bastalyp, qazır jer-jerde jalǧasyn tabuda.
Balasy Baqytjannyŋ aituynşa, aituly data aiasynda «Saryarqaǧa saiahat» degen joba jasalyp, sonyŋ nätijesınde Arqada qonys tepken oblys ortalyqtarynda Kenen atamyzdyŋ şyǧarmaşylyǧyna arnalǧan keş ötıp, aqynnyŋ änderı men tolǧaulary şyrqalǧan.
«Äkemnıŋ köp balasy ömırden erte ketıp qaldy. Men segız aǧaiyndy boluym kerek edı. Bazar-Nazardan keiın de bırneşe balasy şetınep ketedı. Sodan 52 jasqa kelgende Alla taǧaladan jalynyp sūrap jürgende «Tört kempır bır şal» degen qyzy tudy. Būl esımdı aitqanda köp aǧaiyndar külıp jıberedı. Qazaqtyŋ eskı ädet-ǧūrpynda bala tūrmaǧan ata-analar «tıl, köz timesın» dep osyndai esım qoiǧan. Qazır ol kısı aramyzda otyr, jasy seksen beske keldı. Osy apamnan keiın äkemnıŋ balalary tūra bastady. Men soǧys aiaqtalǧan jyly, iaǧni äkemnıŋ 61 jasynda düniege keldım. Şyndyǧynda, bız baqytty ūrpaqpyz. Äkesınıŋ 135 jyldyǧyn köru degen sirek qūbylys» dedı Baqytjan aǧa.
Aqynnyŋ qyzy Törtken apa özınıŋ esımın joǧary synypqa barǧanda özgertkenın aityp berdı. Būl kısı – äkesınıŋ mūralarynyŋ naǧyz janaşyry. Aqynnyŋ arhivte şaŋ jūtyp jatqan änderı men dauysyn ızdep tauyp, ortamyzǧa qosty.
Belgılı ǧalym Serık Negimov qazaq önerındegı sal-serılık joldy jiyrmasynşy ǧasyrǧa jetkızgen bıregei tūlǧanyŋ şyǧarmaşylyǧy turaly oi tolǧady. Şara barysynda düldül önerpazdyŋ änderı oryndaldy.
Keştı jürgızgen aqyn Däuletkerei Käpūly aqyn turaly aita kelıp, «som altynnyŋ synyǧy» degen baǧa berdı. Būl söz bızge de ūnady.
