Soŋǧy qoŋyrau soǧyldy
Biyl elımız boiynşa 143 myŋ oquşy mektep bıtırdı. Olardyŋ qatarynda elordalyq 3 myŋ 686 tülek bolsa, onyŋ 200-ı halyqaralyq baiqaularda jeŋımpaz atanyp, joǧary oqu oryndaryna joldama alǧan.
Astananyŋ 35 bılım oşaǧynan 70-ke tarta ūstaz ben 800-ge juyq tülekter eŋ aldymen «Nūr Astana» ortalyq meşıtınde ūiymdastyrylǧan «Aqjoltai» şarasyna qatysty. Kezdesude bas imam Qalijan Zaŋqoev igı şaranyŋ ötuıne atsalysqan Astana qalasynyŋ äkımı İmanǧali Tasmaǧanbetovke jäne Bılım basqarmasynyŋ basşysy Äsima Bimendinaǧa alǧysyn bıldıre kelıp, «Men jastarǧa senemın!» taqyrybynda uaǧyz-nasihat jürgızdı. Sondai-aq, şara barysynda meşıt tarapynan ūstazdarǧa «Qūran Kärım qazaqşa maǧynasy jäne tüsınıgı», «Tälımger taǧylymy», «Hadis – ǧūrpymyz, Sünnet – saltymyz» atty kıtaptar berılse, oquşylarǧa qazaq jäne orys tılınde jazylǧan «100 hadis» kıtapşasy taratyldy.
Odan keiın №60 mektep-liseiınde ötken tülekterdı şyǧaryp salu räsımıne Bılım jäne ǧylym ministrlıgı Mektepke deiıngı jäne orta bılım departamentınıŋ direktory Jaŋyl Jontaeva men Astana qalasy Bılım basqarmasynyŋ basşysy Äsima Bimendina qatysyp, bolaşaqqa qadam basqan jetkınşekterge ızgı tılekterın bıldırdı. Jalpy, №60 mektep-liseiın 127 oquşy tämamdady desek, onyŋ 22-sı – halyqaralyq baiqaulardyŋ jeŋımpazy. Tegın oqu bölımınıŋ studentterı qataryna qosylǧan olar Europa universitetterın taŋdap otyr. Aldaǧy uaqytta Resei, Germaniia, Fransiia, Sloveniia memleketterınde bılım alatyn boldy. Qatarlarynda 3 «Altyn belgı», 5 qyzyl attestatpen bıtıruşıler de bar.
Al, biyl Astananyŋ 15 jyldyq mereitoiyna tūspa-tūs kelgen «Soŋǧy qoŋyrau» saltanaty «Ǧaşyqtar saiabaǧy», «Orbita» şaǧynaudany jäne Qarjy ministrlıgı aldyndaǧy alaŋdarda ötıp, arnaiy sauyq keşınde är mektep ūjymy fleş-mob ūiymdastyrdy. Merekenıŋ basy-qasynda qalalyq äkımdık jäne Bılım basqarmasynyŋ qyzmetkerlerı jürıp, 2012-2013 oqu jylynyŋ jetıstıgın aitty.
Erkeǧali BEISENOV