Beijıŋde ötıp jatqan Olimpiada oiyndarynda Qazaqstan sportşylary jüldegerler tūǧyrynan körıne almady.
Soŋǧy künderı ötken tau şaŋǧysy jarysynda bäsekege tüsken qazaqstandyq Zahar Kuchin bırınşı mümkındıgınen keiın 1:03:68 körsetkışımen 43-orynda bolǧan. Ekınşı mümkındıgınde 58,98 nätijesımen 36-orynǧa tūraqtap, jarysty aiaqtady.
Al şaŋǧydan sprint jarysyna qatysqan Qazaqstan äielder qūramasy finaldyq kezeŋge öte almady. Sportşylarymyz märege 10-ynşy bolyp keldı.
Şort-trekte 1500 metr qaşyqtyqta öner körsetken Olga Tihonova üşınşı şirek final barysynda ereje būzǧany üşın töreşıler şeşımı boiynşa jarystan şettetıldı. Osylaişa Olga jartylai finalǧa şyǧu mümkındıgınen aiyrylyp, Olimpiada oiyndaryn aiaqtady.
Konkimen jügıruden 1000 metr qaşyqtyqta öner körsetken Nadejda Morozova 01:15:69 nätijesımen 11-oryn, al Ekaterina Aidova 19-oryn aldy.
Al keşe konkişıler jarysynda soŋǧy ümıtımız Denis Kuzin bolyp edı. Ökınışke qarai, ol da jüldege ılıkpei qaldy. Denis Kuzin men Dmitrii Morozov 1000 metr qaşyqtyqqa jügırgen edı. D.Morozov atalǧan qaşyqtyqty 1:09:61 uaqyt körsetkışımen baǧyndyrsa, Denis Kuzin 1:10:07 uaqytta jügırıp öttı. Būl nätijeler ekeuıne de medal alu üşın jetkılıksız boldy.
Osy jarystan keiın 2013 jyly älem chempiony atanǧan, törtınşı Olimpiada oiyndaryna qatysqan Denis Kuzin sporttyq mansabyn aiaqtaǧanyn mälım ettı.
