Elorda tırşılıgın, jastar qalasynyŋ ömırın jıtı baqylap jürgen zertteuşılerdıŋ mälımetıne qaraǧanda, elordamyzdyŋ ärbır törtınşı tūrǧyny dene şynyqtyru jäne sportpen ainalysady eken. Zertteu nätijesınde qala tūrǧyndarynyŋ 35 paiyzynyŋ jüzuge baratyny, ärbır besınşı tūrǧyn boks, küres sekıldı jekpe-jek türlerın taŋdaityny, jastardyŋ basym bölıgınıŋ futbol oinaityny belgılı bolyp otyr. Soŋǧy kezderı jastar arasynda fitnes, jeŋıl atletika jäne velosportqa äuestenuşıler sany artqan. 2019 jyldyŋ bırınşı jarty jylynyŋ mälımetı boiynşa 319540 qala tūrǧyny nemese 29,2 paiyzy jüielı türde dene şynyqtyru jäne sauyqtyrumen ainalysady.
Osy rette «Halyqaralyq jarystardyŋ elordada ötuı sportqa degen közqarasymyzdy jaŋa därejege köteretını sözsız. Turister men investisiianyŋ qalaǧa aǧyluyna yqpalyn da tigızedı. Äsırese, jastardyŋ būqaralyq sportqa degen qyzyǧuşylyǧyn arttyrady» degen Nūr-Sūltan qalasynyŋ äkımı Altai Kölgınov bas qalamyzdaǧy būqaralyq sporttyŋ damuyna erekşe maŋyz berıp otyr.
Elorda sporty – el sporty
Elordada, äsırese, būqaralyq sport türlerın ūiymdastyruǧa erekşe köŋıl bölıngen. Mysaly, Nūr-Sūltan qalasynda ötken «JASTAR BIKE» būqaralyq velojügırıske äuesqoi sportşylar ǧana emes, qala tūrǧyndary da belsene qatysty. «Nūr-Sūltan Duatlon-2019» jarysyna da 16 jastan asqandar qatysyp, jüzu, jügıru jäne velojarystan üş qaşyqtyqty baǧyndyrdy. Elordalyqtardyŋ jekelei sporttaǧy jetıstıkterı jetkılıktı. Sonyŋ bırı – biylǧy jyldyŋ 20-23 mausymynda Oŋtüstık Koreiadaǧy Kendju qalasynda barlyq Aziia kontinentınıŋ käsıbi triatletterı men paratriatletterı arasynda triatlon boiynşa Aziia chempionaty ötken kezde elordalyq sportşy, U23 jas sanatynda jarysqa tüsken Daryn Qonysbaev 14 memleket ökılderı arasynda bırınşı oryndy jeŋıp aldy. Sol jarysta Nūr-Sūltan qalasynyŋ ökılı Arina Şulgina da qola jüldege ie boldy.
Būqaralyq sportqa bärı tartylady
Memleket basşysynyŋ tapsyrmasymen Nūr-Sūltan qalasynyŋ äkımdıgı mügedek sportşylarǧa respublikalyq jäne halyqaralyq jarystarda elordanyŋ jäne elımızdıŋ namysyn qorǧauǧa mümkındık beru maqsatynda jattyǧuǧa jaǧdai jasau şaralaryn qolǧa aldy. Jalpy, basymdy baǧyt jeke bastamalardy qoldauǧa, otbasylyq oiyn-sauyq ıs-şaralaryn ūiymdastyruǧa, sondai-aq ıs-şaralarǧa belgılı sportşylardy tartuǧa, äuesqoi sporttyq jarystardy ūiymdastyruǧa, oiyn sport türlerınen mektep ligalaryn ūiymdastyruǧa baǧyttalǧan. Qalada sporttyŋ futbol, gandbol, voleibol, basketbol, şaibaly hokkei türlerınen dästürlı mektep ligalary qalyptasty. Sondai-aq memlekettık qyzmetşıler, medisina qyzmetkerlerı, salyq salasynyŋ qyzmetkerlerı, qylmystyq jazasyn öteuşıler, studentter arasynda universiada jäne spartakiadalar ötkızıledı.
Elbasy N.Nazarbaevtyŋ qoiǧan basty tapsyrmalarynyŋ bırı 2020 jylǧa deiın jüielı türde dene şynyqtyru jäne sportpen şūǧyldanatyn halyq sanyn 30 paiyzǧa deiın ösıru bolatyn. Osy tūrǧyda elordamyzda jüielı jūmystar jürgızılude. Qazırgı uaqytta qalamyzda 719 sporttyq nysan bar. Onyŋ 324-ı – aşyq jäne jazyqtaǧy sporttyq alaŋdar, onda är tūrǧyn üi aulasynda, saiabaqtarda ornalasqan jattyǧu alaŋdary jäne basketbol, futbol alaŋdary qarastyrylǧan.
«Fitness Park Nur-Sultan» qatysuşylary köbeiıp keledı
Jazǧy uaqytta qala tūrǧyndarynyŋ bos uaqytyn tiımdı ötkızu üşın «Fitness Park Nur-Sultan» jobasy ıske asyrylǧan. Būl kez kelgen adamǧa arnalǧan aşyq aspan astyndaǧy tegın jattyǧular, iaǧni zumba fitnes, krossfit, boks, djiu-djitsu, ioga, jügıru boiynşa qalanyŋ 4 saiabaǧynda, atap aitqanda, «Astanalyq», «Jetısu», «Jerūiyq» jäne Botanikalyq saiabaqta är jeksenbı saǧat 10:00-den 12:00-ge deiın ötkızıledı. Atalǧan sport türlerı boiynşa jattyǧulardy käsıbi jattyqtyruşylar jürgızedı. Sonymen qatar velosiped mausymynyŋ aşyluyna orai qalada jazǧy uaqytta şamamen 5 velojügırıs ūiymdastyrylady. Olardyŋ ärqaisysy 500-den 2000-ǧa deiıngı äuesqoi sportşylardy jinady. Jyl saiyn qyrküiek aiynda «Astana Marafon» jeŋılatletikalyq jügırıs ötkızu de dästürge ainalǧan. Oǧan 5 myŋǧa juyq äuesqoi men käsıbi jelaiaq qatysady. Jügıru qaşyqtyǧy 10, 21, 42 şaqyrymdy qūraidy. Al qysqy uaqytta Esıl özenınıŋ boiynda dästürlı türde «Būrqasyn» şaŋǧy festivalı ötedı. Festival aiasynda şaǧyn futbol, belbeu küresı, gır tasyn köteru, qol küresı, arqan tartys, motokross syndy saiys türlerınen jarys ūiymdastyrylady. Būl ıs-şaralar otbasymen, ūjymmen taza auada qysqy demalys ötkızuge ülken mümkındık beredı. Jalpy, Nūr-Sūltan qalasy tūrǧyndarynyŋ asyǧa kütetın sporttyq şaralary köbeiıp otyr.
P.S. Elordada 2019 jyldyŋ bırınşı jartyjyldyǧynda ūiymdastyrylǧan 400-den asa sporttyq ıs-şara Nūr-Sūltan qalasynyŋ tūrǧyndary, meimandary, äsırese balalar men jastar arasyndaǧy qarym-qatynasty nyǧaituǧa, būqaralyq sporttyŋ qalalyq dästürge ainaluyna yqpal jasaǧany sözsız. Eŋ bastysy, salauatty ömır saltyna ūmtylǧan, būqaralyq jäne joǧary şeberlıktegı sportpen ainalysamyn degen jūrtşylyqqa jaǧdai jasalyp otyr. Olai bolsa elordamyzdyŋ sportşy qala boluyna barşamyzdyŋ yqylasty bolǧanymyz abzal demekpız.
Jadyra ŞAMŪRATOVA
