Mäjılıstıŋ Äleumettık-mädeni damu komitetınde «Qazaqstan Respublikasynyŋ keibır zaŋnamalyq aktılerıne dene şynyqtyru jäne sport mäselelerı boiynşa özgerıster men tolyqtyrular engızu, sondai-aq normalardyŋ artyq (şamadan tys) zaŋnamalyq reglamentteluın bolǧyzbau turaly» zaŋ jobasynyŋ tanystyrylymy öttı.
Turizm jäne sport ministrınıŋ orynbasary Serık Jarasbaev zaŋ jobasy negızgı tört baǧytty qamtitynyn aitty. Bırınşısı – sport türlerıne basymdyq beru. Qazaqstanda qazır sporttyŋ 180 türı damytylyp jatyr. Sonymen qatar täuelsızdık jyldary 13 qysqy olimpiadalyq sporttyŋ 5 türınen, 46 jazǧy olimpiadalyq sporttyŋ tek 13 türınen ǧana olimpiadalyq jüldeler alyppyz.
Jūmys tobynda bırqatar ūsynystarymyzdy aittyq. Sportty tüsınetınder, tüsınbeitınder bar. 180 sportty eldıŋ bärı tüsınuı mümkın emes. Sporttyŋ qysqy, jazǧy türlerı, paraolimpiadalyq sport, ūlttyq sport, būqaralyq sport degen bar. Osy zaŋ jobasynda «respublikalyq federasiia» degenımız «ūlttyq federasiia» bolyp özgereiın dep tūr. Būl jerde olimpiadalyq, negızgı sport türlerı qalady. Qalǧany öŋırlerge ketedı. Bızdı alaŋdatyp otyrǧany – köp jyldan berı ter tögıp jürgen köptegen sportşylar, sport federasiialarynyŋ basşylary bar. Ailyǧy şailyǧyna jetpeidı. Solar «erteŋgı künı olimpiadaǧa kırmeimız. Bızdı ysyryp tastai ma» dep alaŋdaidy. Bızde bır salaǧa qatysty zaŋ şyqsa qorqady. Öitkenı synauşylar köbeiıp ketse aqşany da toqtatyp tastauy mümkın. Eldıŋ bärı olimpiadalyq sportty süiıp, onymen ainalyspaidy. Iа bolmasa özderı tūratyn jerde ondai üiırmeler bolmauy mümkın. Öte ülken ärı jaqsy federasiialar bar auqymdy jūmystar atqaryp otyrǧan. Soǧan män beru kerek dep oilaimyn.
Qarajattyŋ orynsyz jūmsalyp, jelge ūşyp jatqanyn Prezidenttıŋ özı aitty. Osyǧan şekteu qoiatyn uaqyt keldı. Zaŋ jobasynda sport salasyna qatysty jaqsy, batyl şeşımder bar. Batysta velosportty joǧary baǧalaidy. «Astana», «Barys» hokkei klubtary turaly da köp aitylady. Būl jaqqa da sporttyq qordan köp qarajat ketıp jatyr. Bızde de MMA deimız ǧoi. Osy salada jūmys ıstedım. Şavhat Rahmonov siiaqty älemge äigılı sportşylarymyz bar. Memleketten qarjy almai, öz demeuşılerınıŋ kömegımen Qazaqstannyŋ bedelın, abyroiyn milliardtaǧan aqşa alǧan sportşylardan da jaqsy köterıp jatyr. Özderımen özderı damyp keledı. Demek bärımız memleketke qol jaiyp otyra bermeuımız kerek. Sport federasiialary dūrystap, şiraq jūmys ısteuı kerek. Alda Parij Olimpiadasy kele jatyr. Olimpiadada ümıt artatyn sportşy tappai otyrmyz. Bızdıŋ sportşylar jarty jyl, bır jyl sabylyp jüredı. Äkımdıkterge, bükıl biznesmenderge kıredı. Künde bıtpeitın toi. İdeologiia degen osy ma? Ne būl? Osy jaǧyna da bır şekteuler kerek dep oilaimyn. Sportşylarymyz sūramşaq bolsa, eldıŋ sporty qalai damidy? Oilanyp köreiıkşı, aǧaiyn.
Daniiar QASQARAUOV,
Mäjılıs deputaty
