S.Seifullin atyndaǧy Qazaq agrotehnikalyq universitetınıŋ 1-kurs studentterın «Studentter qataryna qabyldau» saltanaty öttı
Universitet rektory, professor Aqylbek Kürışbaev: «Bılım – basyŋyzǧa bedel, bosaǧaŋyzǧa baq äkeletın qūndylyq» dep jas örenderge studenttık ömırlerı qyzyqty da mändı ötuıne tılek bıldırıp, studenttık biletterın öz qolymen tabystady. Sondai-aq, ötken oqu jylynyŋ qorytyndysy boiynşa «Eŋ üzdık kurator» atanǧan tehnikalyq fakultet oqytuşysy Orazbai Saparovty marapattady.
Al, «Eŋ üzdık fakultet» ataǧyn Ekonomika fakultetı (dekany A.İsmailova) ielendı. QazATU studentterınıŋ arasynda ötkızılgen «Jaŋa ūrpaq» konkursynyŋ jeŋımpazy atanǧan Süleimen Rahmatullaǧa da estelık syilyq berıldı.
Konserttık baǧdarlamamen jalǧasqan keşte «Ǧasyrdan ǧasyrǧa» prology oryndalyp, qazaq elınıŋ ötken tarihynan syr şertken «Altyn adam däuırı», «Saq qyzdary men qazaq jauyngerlerı», «Armanda ketken arystar», «Säken Seifullinnıŋ ūrpaqqa amanaty» syndy sahnalyq körınıster qoiyldy. Almatydan arnaiy şaqyrylǧan qazaq estradasynyŋ jūldyzy Almas Kışkenbaev äsem änıne bölese, «Agrarka sarbazdary» KTK komandasy äzıl aityp, köŋıl köterdı.
Osy oraida aita keterlık jait, S.Seifullin atyndaǧy Qazaq ūlttyq agrotehnikalyq universitetı biyl alǧaşqy üştıkke enıp, 1 324 granttyq orynǧa ie boldy. Onyŋ 1 313-ı konkurstyq negızde, 11 grant halyqaralyq kelısımşart negızınde alynǧan.
Qūndyz QUANYŞBAEVA
