Ötken demalys künderı elordada studentter arasynda pıkırtalas saiysy öttı. Turnirge qatysuǧa 100-ge juyq komanda ötınım berdı. Pıkırtalas oiyndaryna Astana qalasynyŋ 16 joǧary jäne 16 arnauly orta oqu oryndarynyŋ studentterı qatysty.
«Astana Debate Cup» jobasynyŋ basty maqsaty – jastardyŋ bäsekege qabıletın, tūlǧalyq jäne köşbasşylyq daǧdylaryn damytu. Is-şarany ūiymdastyruşylardyŋ aituynşa, joba 2018 jyldan berı ötkızılıp keledı jäne bügınde qalada dästürlı oqiǧaǧa ainaldy.
– Bügın äkım kubogy üşın küresetın ırıkteu kezeŋderınıŋ finalisterı kezdestı. Onda saiysqa qatysuşylar qoǧamdaǧy özektı taqyryptar boiynşa öz pıkırın ortaǧa saldy, – dedı «Astana jastary» jastar resurstyq ortalyǧynyŋ bölım basşysy Arailym Saparaly.
Talqylanatyn taqyryptardyŋ qatarynda Prezidenttıŋ Qazaqstan halqyna Joldauy, naşaqorlyq mäselesı, bılım men mädeniettı arttyru qajettılıgı, stavkalardyŋ sportqa terıs äserı, qoǧam damuyndaǧy jastar saiasatynyŋ rölı, turizmdı damytu, qazaqstandyq önerdıŋ jetıstıkterı, qorşaǧan ortany saqtau, IT-startaptar bar. Saiysty qorytyndylau jäne üzdıkterdı marapattau saltanaty L.Gumilev atyndaǧy Euraziia ūlttyq universitetınde öttı.
