Su tasqynynan qauıp joq
Biylǧy köktemde elordaǧa su tasqynynan eşqandai qauıp joq. Bas qalada tötenşe jaǧdaidyŋ oryn aluyna jol bermeitın 202 tarmaqtan tūratyn keşendı ıs-şaralar jospary jüzege asyrylady. Būl turaly keşe Astana äkımdıgınde ötken mäjılıste aityldy.
Qalalyq kommunaldyq şaruaşylyq basqarmasynyŋ basşysy Tölegen Zakarianovtyŋ aituynşa, keşendı jospardy jüzege asyruǧa äkımdıkke baǧynyşty 22 qūrylymdyq bölımşeler, ministrlıkterdıŋ 8 aumaqtyq organy men olardyŋ bölımşelerı, 2 kommunaldyq käsıporyn jauap beredı. Tölegen Zakarianov özınıŋ baiandamasynda «Köktal» tūrǧyn alabyndaǧy aspaly jaiau jürgınşıler köpırınıŋ mäselesıne toqtaldy. «Bız jobalyq-smetalyq qūjattamany daiyndap qoidyq. Aspaly köpırdı biylǧy 15 nauryzǧa deiın qaita jöndeuden ötkızemız» dedı ol.
Qūzyrly basqarma jetekşısı köktemdegı su tasqynynyŋ kölemın boljau maqsatynda «Qazgidromet» RMK-men bırlese otyryp, Moiyldy özenı basseinı men Esıl özenınıŋ joǧarǧy alabyn zertteudıŋ baǧdarlyq kartasy jasalǧanyn habarlady. Jinalǧan qardyŋ kölemı jönınde zertteu jäne taldau jūmystaryn jürgızu üşın qaŋtar aiynda mamandar özen aŋǧarlaryna barǧan.
Qazırgı kezde qala aumaǧyndaǧy qar der kezınde tasyluda. Qysqy merzımde syrtqa tasylǧan qardyŋ kölemı 1,8 mln kubometrdı qūrady. Qala basşysy Äset İsekeşev Qūrylys, Säulet, Bılım beru, Densaulyq saqtau, Äleumettık damu basqarmalaryna jäne audandyq äkımdıkterge äleumettık maŋyzy zor nysandardyŋ (balabaqşa, mektep, orta jäne joǧary oqu oryndary), qūrylys alaŋdarynyŋ aumaǧyn qardan tazartudy tapsyrdy.