Ötken senbıde Astanada qalyŋ nöser jauyp, köptegen köşelerdı su basyp qaldy. Däl sol künı qalalyq kommunaldyq qyzmetkerlerı täulık boiy köşeler men joldardaǧy sudy soru jūmystarymen ainalysty.
Dälırek aitqanda, bas qaladaǧy atalǧan jūmystarǧa 70-ten astam tehnika tartyldy. Sonyŋ ışınde Almaty audanynan – 26, Saryarqa audanynan – 17, Esıl audanynan – 29 maşina bölıngen.
Tabiǧattyŋ tosyn mınezı tek qana elordada ǧana emes, elımızdıŋ basqa aimaqtarynda da oryn alǧan. Aitalyq, Qostanaidyŋ Reseimen şekaralas audandarynda mūzdy būrşaq jauyp, kölık jürgızuşıler jol boiyndaǧy qozǧalysty toqtatuǧa mäjbür bolǧan. Al Reseidıŋ keibır ölkesınde kädımgıdei qar jauǧan.
Rasynda, Qazgidromet qyzmetkerlerı «mausym aiynyŋ basynda elımızdıŋ basym bölıgınde atmosferalyq frontaldy bölıkterdıŋ ötuıne bailanysty kei jerlerde jaŋbyr jauyp, naizaǧai bolady, jel küşeiedı» dep aitqan edı. Sol aina-qatesız keldı. Sinoptikterdıŋ boljamynşa, 7 mausymda kündız +25…+27°S ystyq, tünde +13…+15°S jyly bolmaq. Sondai-aq, kün ala būlttanyp, ötkınşı jaŋbyr jauyp, kün kürkıreidı dep kütılude.
