Qazaqstan Respublikasy Täuelsızdıgınıŋ 30 jyldyǧyna orai 16 jäne 17 jeltoqsanda düniege kelgen närestelerge Memleket basşysynyŋ atynan «Süiınşı» tapsyryldy.
Nūr-Sūltanda 16 jäne 17 jeltoqsan künderı 150-den astam säbi düniege keldı. «Süiınşı» syilyq jinaǧyna «Täuelsız Qazaqstanǧa 30 jyl» estelık monetasy, tuu turaly kuälık, jas ata-analarǧa arnalǧan aqparattandyru broşiuralary, jaŋa tuǧan närestege arnalǧan türlı kerek-jaraqtar men gigiena qūraldary kıredı.
– «Süiınşı» syilyq qoraptarynda säbilerge arnalǧan eŋ qajettı tauarlar da bar. Onda Qazaqstan Respublikasynyŋ Prezidentı Qasym-Jomart Toqaevtyŋ atynan qūttyqtau haty bar . Perzenthanadan şyǧyp ülgergenderge syilyqtary «Qazpoşta» arqyly üilerıne jetkızıldı. Bızdıŋ qyzmetkerler perzenthanalardy aralap, bosanǧan äielderden balanyŋ tuu turaly kuälıgın aluǧa tıkelei ötınış aldy. Mälımetter atalǧan qūjattardy daiyndau üşın AHAT organdaryna jıberıldı. Mereke künderı HQO, AHAT bölımderı, medisinalyq mekemeler, «Qazpoşta» qyzmetkerlerı osy bokstardy daiyndau üşın jūmys ıstedı» dedı «Azamattarǧa arnalǧan ükımet» memlekettık korporasiiasynyŋ Nūr-Sūltan qalasy boiynşa filialy direktorynyŋ orynbasary Sabina Tauan.
«Qyzym Baqytgül 16 jeltoqsanda – el Täuelsızdıgınıŋ 30 jyldyǧy künı düniege keldı. Būl – bızdıŋ köpten kütken tūŋǧyşymyz. Endı jyl saiyn osy künı ekı merekenı atap ötetın bolamyz. Nazarlaryŋyz ben qamqorlyqtaryŋyzǧa alǧysym şeksız. Mūndai syilyq alamyz dep kütpegen edık, köŋılımız tıpten köterılıp qaldy» dep alǧysyn bıldırdı anasy Alina.
Aksiia Qazaqstan Respublikasy Täuelsızdıgınıŋ 30 jyldyǧyn merekeleu jäne ana men balany qoldau şeŋberınde ötkızıledı.
