Elordanyŋ qazırgı aialdamalary ädemı-aq. Bıraq, jazda – aptaby, qysta – sary aiazy buatyn Astana üşın aialdamalardyŋ «sūluynan jyluy» artyq bolyp tūr. Qazırgı qalqiǧan aialdamalardyŋ ystyqta da, suyqta da pana bola almaityny synǧa köp ılıgedı. Sondyqtan, qala bilıgı elu bes aialdamany qaita jaŋǧyrtyp, jyp-jyly orynǧa ainaldyrudy josparlap otyr.
Astana qalasy äkımdıgınıŋ resmi saityndaǧy mälımetke süiensek, osy jyldyŋ soŋyna deiın elordada jabyq elu bes aialdama ornatylmaq. Arnauly jylytu qondyrǧylarmen jabdyqtalatyn oryndarǧa därethanalar da qosa salynbaq. «Astana LRT» JŞS basşylyǧynyŋ aituynşa, aialdamalardyŋ bärı adam aiaǧy köp jüretın äleumettık maŋyzdy nysandardyŋ tūsynda ornalaspaqşy.
Aialdama keşenderınıŋ aumaǧy şamamen 20 şarşy metrdı qūramaq. Qys mezgılınde aialdamanyŋ ışınde temperaturalyq rejimdı bırqalypty ūstap tūratyn infraqyzyl jylytqyştary bolady. Barlyq aialdamada beinekameralar ornatu da josparda bar. Jalpy, qalanyŋ tynys-tırşılıgın baqylap otyratyn, qauıpsızdıgın qamtamasyz etetın keşendı jüiege qosylatyn beineqūrylǧy aialdamalar maŋaiyndaǧy qūqyq būzuşylyqtyŋ da aldyn-aluǧa septıgın tigızbek.
Al, aptap ystyqta avtobus kütıp tūrǧan adamdar jaŋa aialdamalardaǧy aua almastyrǧyş, jeldetkış qūrylǧylar arqyly salqyndap, saia taba alady.
Abat baqty Astana
Elorda jyl saiyn jainap, gül qalaǧa ainalyp keledı. Köz tartatyn qyzyldy-jasyldy jelekter qalanyŋ ajar-körkı ǧana emes, tūrǧyndardyŋ tynys joldaryn tazartar süzgı de ıspettı.
Astanany jaiqalǧan qalaǧa ainaldyru jolyndaǧy «Astana-Kögaldandyru qūrylysy» mekemesı qyzmetkerlerınıŋ eŋbegı erek. Köktem-jaz ailarynda olardyŋ jūmysy qyza tüsedı. Biyl elordanyŋ üş audanynda bıraz şarua atqaryldy. Mysaly, bekıtılgen kestege säikes Almaty audanynda Auǧan soǧysy jauyngerlerıne arnalǧan şaǧyn baqqa, Abylai han daŋǧyly men Ǧ. Müsırepov köşesı boiynda, «Şabyt» şyǧarmaşylyq saraiy, Beibıtşılık jäne kelısım saraiy, «Äzıret Sūltan» meşıtı alaŋyna jäne «Miuzikholl» meiramhanasynyŋ aldyna jäne R.Qoşqarbaev daŋǧyly men Ş.Qaldaiaqov köşesı boilaryndaǧy arnaiy bölıngen jolairyqtarǧa, Täuelsızdık daŋǧyly men Kravsov, Qajymūqan, J. Täşenov köşelerı boiyndaǧy gülzarlarǧa jaz mezgılınıŋ körkın kırgızer alqyzyl gülder otyrǧyzyldy. Bügınde otyrǧyzylǧan güldestelerdıŋ jalpy aumaǧy 63 897 şarşy metrge jettı.
«Äzıret Sūltan» meşıtınıŋ aumaǧy da kögaldandyrylyp, onda 84 aǧaş, onyŋ ışınde qaraǧai, şyrşa, bozarşa, qaiyŋ sekıldı aǧaş türlerı men arşa talynyŋ 312 köşetı otyrǧyzylǧan.
Al, Saryarqa audanynda – jalpy audany 19 myŋ şarşy metr, Esıl audany boiynşa 86 myŋ şarşy metr aumaqqa türlı-tüstı gül öskınderı otyrǧyzyldy.
Kün saiyn gülzarlar men jasyl alqaptardy suaru da oŋai şarua emes. Jalpy, qala boiynşa gülderdı suaru jūmystaryna täulıgıne 500 tekşe metr su paidalanylady eken.
Zaŋdy būzǧandarǧa – ötemdık tarif
QR Ūlttyq ekonomika ministrlıgı Tabiǧi monopoliialardy retteu jäne bäsekelestıktı qorǧau komitetınıŋ Astana qalasy boiynşa departamentı byltyrǧy tariftık smeta men investisiialyq baǧdarlamany oryndau jaiyna taldau jasap, qorytyndysyn şyǧardy.
Taldaudyŋ nätijesı boiynşa Astana qalasyndaǧy 12 subektı tabiǧi monopoliialar men retteletın naryqtar turaly zaŋ talaptaryn būzǧany anyqtaldy. Olar amortizasiialyq audarym qarajattaryn maqsatqa sai paidalanbaǧan jäne investisiialyq şaralardy uaqtyly oryndamaǧan. Endı būl tabiǧi monopoliia subektılerıne 2015 jyldyŋ 1 tamyzynan bastap uaqytşa ötemdık tarifter bekıtıledı.
Zaŋdy būzǧan subektılerdıŋ negızsız tapqan paidasynyŋ jalpy somasy 1,2 mlrd tengenı qūraǧan.
Sot kiıner egızdıŋ syŋaryndai
Astana qalasynyŋ Saryarqa audandyq sotynda memlekettık qyzmetşılerdıŋ moraldyq-adamgerşılık beinesıne jäne ıskerlık qasietterıne qatysty talaptardy küşeituge bailanysty seminar öttı.
Astana qalasynyŋ sotynda jaŋalyq köp. Bügınde sot prosesterı beine-üntaspaǧa jazylady. Osy aiǧaq boiynşa azamattar sot prosesınde tuyndaǧan mäseleler boiynşa elımızdıŋ Joǧarǧy sotynyŋ janynan qūrylǧan arnauly sot alqasyna şaǧymdana alady. Sot prosesı kezınde beinejazbany sudianyŋ toqtatuǧa nemese redaksiialauǧa mümkındıgı bolmaidy.
Endı Astana qalasynyŋ soty mäjılısterge qatysatyn sot hatşylarynyŋ kiım ülgısı de bırkelkı boluyna köŋıl audaryp otyr. Ötken aptadan bastap Saryarqa audandyq sot hatşylary bırkelkı kiım ülgısımen jūmysqa kırıstı. Olarǧa qara kök tüstı jilet pen iubka jäne aq jeide kiiu mıdetteldı. Osy audandyq sottan bastalǧan eksperimenttık joba keleşekte qalanyŋ basqa da sot jüielerıne engızılmekşı.
Aitpaqşy, şıldenıŋ alǧaşqy künınen bastap qalalyq sottyŋ keŋse qyzmetkerlerı de bırkelkı aq jeide, qara iubka kie bastady. «Mūndai bırkelkı kiım ülgısı sot qyzmetkerlerınıŋ bet-beinesın qalyptastyryp, olardyŋ ıskerlık mädenietın aişyqtai tüsedı» deidı Saryarqa audandyq sotynyŋ keŋse meŋgeruşısı Arman Eşmaǧanbetova.
