Qazırgı taŋda ekınıŋ bırı ekonomika nemese zaŋ mamandyǧy boiynşa bılım alyp oquǧa tyrysady. Al elımızge auadai qajet tehnika, fizika, himiia, tau-ken ısı, injener, metallurg jäne qūrylysşy taǧy basqa salalarǧa köŋıl az bölınedı. Osyǧan orai, astanalyq biznes-palata ökılderı sūranysqa ie mamandyqtar boiynşa saualnama ūiymdastyrǧan bolatyn. Oǧan qaladaǧy barlyq derlık käsıporyndar qatysty.
Käsıpkerler palatasy jürgızetın jyl saiynǧy saualnama qorytyndysy boiynşa Astanada orta käsıptık bılımı bar mamandarǧa degen sūranys aldaǧy üş jylda (13 myŋ bos oryn) joǧary oqu oryndarynyŋ tülekterıne degen sūranystan ekı eseden astam artty.
Elordadaǧy 3500 käsıporyn 2023-2025 jyldarǧa 21 797 maman qajet ekenı turaly mälımdedı. Sauda, ömır süru jäne tamaqtanu qyzmetterı, qūrylys, bılım beru, öŋdeu, densaulyq saqtau, aqparat jäne bailanys, kölık jäne qoimalau, memlekettık basqaru jäne qorǧanys, öner, oiyn-sauyq jäne demalys, qarjy jäne saqtandyru, elektr jäne energiiamen jabdyqtau, auyl şaruaşylyǧy, tau-ken öndırısı, sumen jabdyqtau salalaryndaǧy kompaniialar men mekemelerge jaŋa qyzmetkerler qajet.
Eŋ köp sūranysqa ie mamandyqtardyŋ qataryna satuşy (1391 bos jūmys orny), marketolog (885), buhgalter (791) jäne buhgalter-kassir (662) kırdı.
Astanada sauda qyzmetkerlerınıŋ tapşylyǧy 1 775 adamdy, qonaq üi sektory men qoǧamdyq tamaqtanu – 601, qūrylys – 597, bılım beru – 577, öŋdeu önerkäsıbı 516 adamdy qūraidy.
