Elordanyŋ baiyrǧy tūrǧyny Tabyl Qūlyias degen qalamgerdı közı qaraqty qauym jaqsy bıledı. Bügınde seŋgırlı seksennen asqan. Äsırese, ūlt tarihyna qatysty köptegen derekterdı jinaqtap, terıp jüredı. Jaqynda qariia bızge qūndy bır jädıgerdı körsettı.
Būl – 1927 jyly Orynbordaǧy jūmysşylar fakultetınde oqyp jürgen qazaq jıgıtterınıŋ fotosy. Surette saptai tızılıp örımdei on segız bozbala otyr. Bärı de jalyndap tūrǧan jastar. Közderınde ot jainaidy. Bıraq olardyŋ aty-jönı belgısız. Oquǧa qai öŋırden barǧany da beimälım. Jädıgerdıŋ iesı Tabyl aǧa da naqty kımder ekenın bılmeidı. Sonda da ol kısıden qūndy mūranyŋ qolyna qalai tüskenın sūradyq.
«Osy ǧasyrdyŋ basynda qazaqtyŋ alǧaşqy astanasy Orynborǧa on şaqty ret jolym tüstı. Onda el tarihyna bailanysty saqtalǧan derekter köp. Özım otyzynşy jyldardaǧy aştyq, quǧyn-sürgın oqiǧalary turaly jiı jazdym. Soǧan mūraǧat materialdaryn köbırek paidalanuǧa tura keldı. 2003 jyly Orynbordyŋ oblystyq arhivıne bardym. Apta boiy tabandap otyryp jūmys ıstedım. Bırde bır qalyŋ papkıdegı qaǧazdardy qoparyp otyrǧanda, osy suret qolyma tüstı. Qazaqtyŋ jiyrmadaǧy jalyn atyp tūrǧan jıgıtterınıŋ beinesı közıme ottai basyldy. Surettıŋ syrtyna: «Rabfak. 1927 god. g.Orenburg. foto E.E.Blehmana» dep jazylǧan. Basqa eşteŋe joq. Qolymdaǧy papkıden būl jaiynda eşqandai derek kezdespedı. Arhiv qyzmetkerınen sūrasam, ol da tūşymdy jauap aitpady. Sodan olardan fotony özıme sūrap aldym. Mıne, sodan berı osy jädıger jeke arhivımde tūr. Eşqaida jariialaǧan joqpyn. Bırınşı ret gazetke berıp otyrmyn. Surettegı beinelerdı özım tanymaimyn. Keide menı ara-tūra osy jıgıtterdıŋ keiıngı taǧdyrlary tolǧandyrady. Mümkın basylymǧa şyqqannan keiın öz atalaryn bıletın ūrpaqtary tabylyp qalar» dedı jazuşy.
İä, biyl būl suretke 91 jyl tolady. Ǧasyrǧa juyq uaqyt. Endeşe, tarihi suretke sız de bır üŋılıp körıŋız.
Azamat ESENJOL
