Sürıngende bır qazaq – tıreu bolsyn myŋ qazaq!

Üş aidan berı Sairagül Sauytbaidyŋ taǧdyryna alaŋdaǧan jūrt sottyŋ soŋǧy otyrysyna deiın oŋ şeşım şyǧatynyna ümıttendı. Säuır aiynda tarihi atamekenı – Qazaqstanǧa kelu maqsatynda Qazaq–Qytai şekarasyn amalsyzdan zaŋsyz kesıp ötuge mäjbür bolǧan ananyŋ aq tılegı qabyl boldy. Sot Sairagül Sauytbaiǧa alty ai merzımge bas bostandyǧynan aiyru turaly şartty jaza taǧaiyndady. Sairagül taǧdyrynan bızdıŋ gazet te tysqary qalmai, bırneşe maqala arnaǧan bolatyn.

Sot otyrysynda Almaty oblysy Jarkent kentındegı Panfilov audandyq sotynyŋ sudiasy Dinara Qūiqabaeva Qytai qazaǧy Sairagül Sauytbaidy Qazaqstanda qaldyru turaly şeşımın jariialady. Naqty aitqanda, «Qazaqstan Qylmystyq kodeksınıŋ 392-baby 1-tarmaǧy boiynşa Sairagül Sauytbaidy kınälı dep tauyp, 6 aiǧa bas bostandyǧynan aiyru turaly şartty jaza taǧaiyndalsyn. 6 ai merzım probasiialyq baqylau merzımı taǧaiyndalsyn. Sot zalynan bosatylsyn» dep mälımdedı. Belgılı bolǧandai, Sauytbaidyŋ qylmysy «onşa auyr emes» dep baǧalandy. Sot şeşım şyǧararda BŪŪ-nyŋ balalar qūqyǧy konvensiiasy negızge alynǧany, Sauytbaidy kämelettık jasqa tolmaǧan ekı balasynan, otbasynan ajyratpau üşın osyndai şeşım şyǧarylǧany turaly aityldy. Etnikalyq qazaq retınde, Qazaqstan azamattyǧyn aluǧa qūqyǧy bar tūlǧa retınde ony Qazaqstannan şyǧaryp jıberu jazasy taǧaiyndalmaitynyn aitqanda, jinalǧan köpşılıktıŋ
quanyşynda şek bolmady. Osylaişa, sot şeşımımen Sairagül Sauytbai sot zalynan bosatyldy.
Qoǧamdyq rezonans tudyrǧan Sairagül Sauytbaidyŋ ısıne qoǧam belsendılerı men tanymal tūlǧalar bır kısıdei atsalysqany belgılı. Äleumettık jelıde qoldauşylar toby qalyŋ boldy. Onyŋ sotyna otandyq BAQ qūraldarynan bölek, älemdık BAQ-tan «The Wall Street Journal», «New York Times», «The Washington Post» basylymdary men «France-Presse» agenttıgınıŋ ökılderı keldı.
Sot zalynan bosap şyqqan Sairagül Sauytbai «Men halqyma, elıme senıp keldım. Pana ızdedım. Bar ekensızder. Alla osyndai bırlıgımızden aiyrmasyn. Qiyn-qystau kezde sürıngen bır qazaqqa süieu bolǧandaryŋyz üşın, bar bolǧandaryŋyz üşın zor alǧys aitamyn» dep jinalǧan jūrtqa rizaşylyǧyn bıldırdı.