Astana qalasynyŋ äkımı Jeŋıs Qasymbek köktemgı su tasqynyna qarsy qandai ıs-şaralar jürgızılıp jatqanyn mälım ettı.
– «Qalada su tasqynyna qarsy ıs-şaralar jürıp jatyr: 26 myŋ metr aryq-naua jelısı tazartyldy, şamamen 1900 metr qūbyr bulandyryldy, 800 metrden astam kollektor juyldy. Qys mezgılınıŋ basynan berı kommunaldyq qyzmetter elordadan 3,5 mln tekşe metrden astam qar şyǧardy.
Su basu qaupın azaitu üşın ärı köktemgı tasqyn sulardy ötkızuge daiyndyq boiynşa keşendı ıs-şaralar jospary äzırlendı. Qaladaǧy su tasqyny qaupı bar uchaskelerdıŋ sany ötken jyldarmen salystyrǧanda 21-ge deiın azaidy. Azamattyq qorǧau organdary, kommunaldyq qyzmetter tūraqty daiyndyqqa keltırıldı. Su tasqyny saldarynyŋ aldyn alu jäne joiu üşın inerttı materialdar qory daiyndaldy, – dedı qala äkımı.
Sonymen qatar qala äkımı memlekettık organdardyŋ aldyna su ötkızu qūrylysyn tazalauǧa erekşe nazar audaru, su tasqyny qaupı bar uchaskelerdıŋ, eldı mekenderdıŋ qaryn uaqytyly küreudı baqylauǧa alu jäne t.b. mındet qoiylǧanyn atap öttı.
