Sybailas jemqorlyq – qazırgı taŋda älemnıŋ köptegen elderınde qoǧamnyŋ tūraqtylyǧyna, qauıpsızdıgıne jäne damuyna kedergı keltıretın qauıptı ındettıŋ bırı. Onyŋ kez kelgen körınısı qoǧamnyŋ barlyq salasyna kerı äserın tigızıp qana qoimai, memlekettıŋ bedelıne nūqsan keltıredı.
Sybailas jemqorlyqty tek paraqorlyq ūǧymymen ǧana şekteuge bolmaidy, öitkenı būl osy qūbylystyŋ bır qyry ǧana. Qazırgı zamanǧy sybailas jemqorlyq zaŋǧa jäne jalpy qoǧamǧa ziian keltıretın materialdyq jäne qūqyqtyq artyqşylyqtardy qamtidy. Eger būl dert memlekettık bilık pen basqaru organdaryna enetın bolsa, mūndai jaǧdailarda äkımşılık resurstardyŋ zaŋsyz paidalanyluy keŋınen tarap, türlı qylmystyq äreketterge äkep soǧuy mümkın.
Sondyqtan bız kündelıktı jūmysymyzda Qazaqstan Respublikasynyŋ Sybailas jemqorlyqqa qarsy zaŋnamasynyŋ talaptaryn qataŋ saqtauǧa jäne olardy mınsız oryndauǧa tiıspız. Oǧan qosa, basqa da memlekettık qyzmetkerlerdıŋ būl talaptardy būzbauyn talap etuımız kerek. Būl bızdıŋ ūiymnyŋ jäne jalpy qoǧamnyŋ tūtastyǧyn, aşyqtyǧyn jäne bırqalypty jūmys ısteuın qamtamasyz etetın basty şart bolyp tabylady.
Bügıngı künı Almaty audanynyŋ apparaty öz qyzmetı aiasynda osy keleŋsız qūbylyspen küresu üşın türlı şaralar men bastamalardy qolǧa aluda. Audan apparatynyŋ negızgı mındetterınıŋ bırı – aşyqtyq pen jariialylyq üşın tūrǧyndarǧa barynşa jaǧdai jasau. Osy maqsatqa jetu üşın jüielı türde tekseruler jürgızılıp, qarjylyq ıs-şaralarǧa taldau jasalyp, äleumettelık jelıler arqyly azamattardy aqparattandyrudyŋ tiımdı jüielerı engızılude.
Äkımdık sonymen qatar sybailas jemqorlyqpen bırlesıp küresu üşın qoǧammen yntymaqtastyqty damytudy qolǧa aldy. Aqparatty arttyru jäne qoǧamǧa degen adaldyq pen jauapkerşılıktı tärbieleu maqsatynda apparat qyzmetkerlerıne seminarlar men treningter ötkızılude.
Audan äkımı apparaty jūmysynyŋ maŋyzdy elementı – azamattardyŋ ötınışterın qarauǧa järdemdesu. Aǧymdaǧy jyly audan äkımı retınde jeke qabyldauymda 300-ge juyq azamat bolyp, 500-den astam sūraq talqylandy. Jeke qabyldauymda bolǧan jäne äleumettık jelıler arqyly äkımdıkke jügıngen azamattardyŋ mäselelerın barynşa jedel şeşuge tyrysamyz.
Sonymen qatar, audanymyzda tūrǧyndardyŋ jergılıktı biudjet qarajatyn bölude qarjyny basqaru jäne baqylauǧa qatysuyna baǧyttalǧan «Halyq qatysatyn biudjet» jobasy ıske asyrylyp keledı. Bügıngı künı osy jobanyŋ aiasynda josparlanǧan 49 aula alaŋdarynyŋ 17-sı jaŋartylyp, abattandyru jūmystary jürgızıldı.
Būl şaralardyŋ barlyǧy audanymyzda tiımdı jüie qūru jäne ony barlyq azamattar üşın qauıpsız jäne aşyq etuge baǧyttalǧan. Olar sondai-aq memleket bedelın nyǧaituǧa jäne halyq arasynda oǧan degen senımdı arttyruǧa yqpal etedı.
Maqsat Samatūly,
Almaty audanynyŋ äkımı
