Syilyqtar tabys ettı

Esıl audany äkımı Berık Jakenov №64 «Asyl Böbek» arnaiy balabaqşasyna baryp, erekşe qajettılıgı bar balalarǧa äkımdık atynan syilyqtar ülestırdı. Al balǧyndar alǧys retınde audan basşysyna qolöner būiymdaryn syilady.

Mūnda balalardyŋ jan-jaqty damuy üşın barlyq jaǧdai jasalǧan. Mūnda robototehnika kabinetıbar, onda balalar baǧdarlamalau  negızderın, robototehnika  elementterın üirenıp, multimediialyq studiiada jūmys ısteidı. Osy jerde özderı multfilm jasap şyǧady. Keiıpkerlerın taŋdap, dubliajben de özderı ainalysady. Balabaqşa kinoteatrynda balǧyndardyŋ töltuyndylary körsetıledı. Än, bi üiırmelerı men sportzal, balalardyŋ intellektualdy damuyna arnalǧan oqu bölmelerı men interaktivtı taqtalar bar. Fiziokabinet pen massaj bölmesı de jūmys ısteidı. Balabaqşa zamanaui  teh­nikalyq  qūraldarmen jabdyqtalǧan. Al  tärbieşılerdıŋ  barlyǧy – derlık joǧary bılıktı mamandar.
Äkım balabaqşany aralaǧan soŋ densaulyǧynda ärtürlı auytquşylyqtar kezdesetın balalarǧa barlyq jaǧdai jasalǧanyna köz jetkızdı.
«Bılım beru balabaqşa tabaldyryǧynan bastalady. Barlyq bılımnıŋ bastauy – balabaqşada. Bız mügedektıgı bar balalarǧa ülken köŋıl bölemız. Mäselen, biyl Botanikalyq baqta eŋ ülken inkliuzivtı alaŋnyŋ qūrylysyn bastadyq. Osy balabaqşanyŋ oquşylarymen jūmys ısteudıŋ soŋǧy nätijesı – damu erekşelıkterı bar balalardy mümkındıgınşe äleu­mettendıru maqsatymyz. Būl balalardyŋ erekşe ekenın este saqtaǧan jön. Olar – naǧyz danyşpan. Mamandar är balanyŋ qajettılıkterıne süiene otyryp, jeke tüzetu baǧdarlamasyn daiyndap ony jüzege asyratyn bolady» dedı Berık Jäkenov.
Montessori kabinetınde äleumettık-psihologiialyq qyzmetter körsetıledı, tūrmystyq daǧdylar üiretıledı.
Balabaqşa 2012 jyly «Balapan» baǧdarlamasyn jüzege asyru aiasynda aşyldy. Onyŋ negızgı mındetı – erekşe bılım berıluıne qajettılıgı bar balalardy äleumetke äleu­mettık beiımdeu jäne bılımdendıru integrasiiasy. Mūnda olar mektepte ärı qarai oquǧa daiyndalady. Balabaqşaǧa indigo24.kz. avtomattandyrylǧan servis arqyly elektrondy baǧyt boiynşa 3 jastan 7 jasqa deiıngı balalar qabyldanady.
Balabaqşa meŋgeruşısı Janar Mūqaşevanyŋ sözınşe, mūnda 13 top jūmys ısteidı. On topqa qozǧaluy qiyn balalar, ekı topqa söileuı būzylǧan, bır topqa psihikalyq damuy tejelgen baldyrǧandar barady. 156 orynǧa arnalǧan būl balabaqşa 2012 jyly aşylǧan.
«Mūnda psihologtar, logopedter, defektologtar jūmys ısteidı. Emdeu­sauyqtyru jūmystaryn därıger-nevropatologtar, psihoterapevter, EDŞ nūsqauşylary, medbikeler oryndaidy. Bızdıŋ tärbielenuşılerımız respublikalyq, sondai-aq halyqaralyq türlı şyǧarmaşylyq konkurstarda jeŋıske jettı. Bızde qanşa kubok, gramota, marapat bar. Balalarymyz­ben maqtanamyz!» dedı Janar Mūqaşeva.