Astanada Täuelsızdıgımızdıŋ 25 jyldyǧyn merekeleu aiasynda «Quatty öŋır – quatty Qazaqstan» degen ataumen öŋırlerdıŋ künderı ötetını belgılı. Osy aituly şaranyŋ şymyldyǧyn Qyzylorda oblysy aşty. Astana qalasynyŋ äkımı Äset İsekeşev bastaǧan äkımdık ökılderı men Qyzylorda oblysynyŋ äkımı Qyrymbek Köşerbaevtyŋ basşylyǧymen Syr öŋırınıŋ ökılderı qalalyq äkımdıkte bas qosty.
Aldymen söz alǧan Astana qalasynyŋ äkımı Äset İsekeşev Täuelsızdıgımızdıŋ 25 jyldyǧyna orai ötkızılıp jatqan şaranyŋ maŋyzyna toqtaldy. Eŋ bırınşı maqsat – qol jetkızgen tabystardy körsete otyryp, öŋırlerdıŋ bailanysyn jaqsartu ekendıgın basa aityp öttı.
– Astana men Qyzylorda oblysy arasynda auyl şaruaşylyǧy, mädeniet, turizm, sauda-ekonomikalyq bailanystar boiynşa tyǧyz ärıptestık qarym-qatynas ornatylǧan. Ünemı täjıribe almasyp otyramyz. Astanada Täuelsızdıgımızdıŋ 25 jyldyǧyna bailanysty qyzu ıs-şaralar jürgızılude. Jyl soŋyna deiın elordada osynau merekege bailanys-ty 160-tan astam şara ötkızıledı. Qyzylorda oblysy da barlyq syi-siiapatymen kelıp, aituly merekege mädenietı jäne önerımen, arzan azyq-tülık järmeŋkesımen jan-jaqty üles qosqaly otyr. Taŋerteŋnen berı Syr öŋırınıŋ tabiǧi önımderın tūtynyp ülgergen astanalyqtar jergılıktı qarbyz-qauyn jäne basqa kökönıs türlerınıŋ, Qyzylordanyŋ ataqty aq marjan kürışınıŋ dämıne rizaşylyqtaryn bıldırıp jatyr. Sondyqtan oblys äkımı Qyrymbek Eleuūlyna alǧysymyzdy bıldırgım keledı. El mereiın köteretın şaraǧa qoş keldıŋızder! – dedı jyly şyraimen Äset Örentaiūly.
Qyzylorda oblysynyŋ äkımı Qyrymbek Köşerbaev öz kezegınde Astana äkımı men äkımdıktıŋ barlyq ökılderıne osynau jyly qabyldaulary üşın rizaşylyǧyn bıldırdı.
– Täuelsızdıgımızdıŋ 25 jyldyǧyna bailanysty Astanada ötetın öŋırlerdıŋ künderın eŋ alǧaşqy bolyp Qyzylorda oblysynyŋ bastaǧany – bızge ülken abyroi. «Syr elı – küllı Alaştyŋ anasy» dep Elbasymyz kezınde aitqan bolatyn. Alty alaştyŋ balasy, är aimaqtyŋ qazaǧy özderımen şekaralas imperiialarmen ūrysqa tüskende, osy Syr öŋırıne kelıp es jinap, jerımızdı qorǧau baǧytyndaǧy şaiqasyn qaitadan jalǧastyryp otyrǧan. Sondyqtan atalarymyzdan osyndai söz qaldy. Bır sözben aitqanda tarihy da, mädenietı de bai Qyzylorda oblysy Kongress-holda «Syr – Alaştyŋ anasy» degen konserttık baǧdarlama ūsynyp, «Täuelsızdıktıŋ dara jolyndaǧy Syr öŋırınıŋ jetıstıkterı» atty suret körmesın ötkızedı. Aituly şaralar astanalyqtardyŋ köŋılınen şyǧaryna senımdımın, – dedı Qyrymbek Eleuūly.
Öŋır basşysynyŋ aituynşa, Qyzylorda oblysy būdan bırneşe jyl būryn damu körsetkışı boiynşa tömengı oryndardy ielenıp kelgen eken. Soŋǧy ekı-üş jyl kölemınde alǧaşqy bestıktıŋ qatarynan oryn alǧan. Al biyl öndeu salasyndaǧy öndırıstıŋ damu körsetkışı boiynşa Qyzylorda oblysy öŋırler arasynda bırınşı orynǧa şyqqan. Būl körsetkış Elbasymyzdyŋ industrialdy saiasatyn jüzege asyru nätijesınde qol jetkızılıp otyrsa kerek. Būdan üş jyl būryn oblysta öndeu öndırısı salasyndaǧy aimaqtyq jalpy ışkı önımnıŋ ülesı 4 paiyz ǧana bolsa, biyl ol körsetkış 14,5 paiyzǧa deiın ösken. Qyrymbek Köşerbaev būl sandardyŋ öŋırde ekonomikany ärtaraptandyru ıs jüzınde oryndalyp jatqanyn körsetetının basa aitty. Sözınıŋ soŋynda ol keleşekte Astana künderın Qyzylorda men jūldyzdy qala Baiqoŋyrda ötkızu jönınde ūsynys tastady. Sondai-aq, Astanadan kosmos mūrajaiy aşylsa degen tılegın de jetkızdı. Qazırgı uaqytta Baiqoŋyrda osy baǧytta jaqsy mūrajai jasaqtalǧan. Keler jyly «EKSPO –2017» körmesıne qatysuşylardyŋ Qyzylorda öŋırıne saparyn ūiymdastyru da oilastyrylyp jatqanyn aityp qaldy. Qazır salynyp jatqan küllı türkı älemıne mälım Qorqyt ata memorialdyq keşenı şetten keletın turisterdı beijai qaldyrmaitynyna da senım bıldırdı.
Jiyn soŋynda Qyrymbek Eleuūly Astana äkımdıgıne Qorqyt atanyŋ ädebi-muzykalyq mūrasy ıspettı Qobyz müsın men kartinany syiǧa tartty.
Meŋdolla ŞAMŪRATOV
