Keşe «Zoom» servisınıŋ platformasynda onlain formatta Nūr-Sūltan qalasy mäslihatynyŋ kezekten tys sessiiasy öttı. Mäslihat deputatynyŋ ökılettıgın merzımınen būryn toqtatu, taǧy basqa mäseleler qaralǧan sessiia jūmysyna qala äkımınıŋ orynbasary Nūrlan Nūrkenov qatysty.
Mäslihat deputaty Aqylbek Kürışbaevtyŋ Parlament Senatyna sailanuyna bailanysty ökılettıgı toqtatyldy. Ortalyq sailau komissiiasynyŋ qaulysymen tanystyrǧan qalalyq sailau komissiiasynyŋ töraǧasy Vladimir Redkokaşin deputattyŋ ökılettıgı elımızdıŋ Jergılıktı memlekettık basqaru jäne özın-özı basqaru turaly zaŋymen retteletının aityp öttı.
Odan keiın söz alǧan deputat Erlan Sydyqov Senatqa sailanǧan ärıptesıne aq jol tıledı.
Jaqynda elorda aumaǧynda syrtqy körnekı jarnamany üi-jailardyŋ şegınen tys aşyq keŋıstıkte, jalpyǧa ortaq paidalanylatyn avtokölık joldarynyŋ bölıngen beldeuınde nemese beldeuınen tys jerde ornalastyru qaǧidalary äzırlendı. Osy qūjatpen jäne qala äkımdıgınıŋ jer komissiiasynyŋ özgergen qūramymen qalalyq Säulet, qala qūrylysy jäne jer qatynastary basqarmasynyŋ basşysy Nūrlan Ūranhaev tanystyrdy.
Sessiia aldynda ötken qalalyq mäslihattyŋ qūrylys, ekologiia, kölık, sauda jäne tūrǧyn üi-kommunaldyq şaruaşylyq mäselelerı jönındegı tūraqty komissiiasynyŋ otyrysynda deputat Qaraqat Abden osy syrtqy körnekı jarnamadan biudjetke tüsetın salyq mölşerın sūrady.
– Biyl syrtqy körnekı jarnamany ornalastyrudan biudjetke tüsetın salyq mölşerı östı. Būryn būl 326 million teŋgenı qūrasa, qazır 600-800 million teŋgege deiın östı. Ärine, mūnymen şekteluge bolmaidy. Salystyrmaly türde aitqanda, Almaty qalasynda syrtqy körnekı jarnamadan 3 milliard teŋgeden astam qarjy tüsedı. Iаǧni bızge būl baǧytta älı de eŋbektenu kerek dep oilaimyn, – dep jauap berdı būl saualǧa N.Ūranhaev.
Al äkımdıktıŋ jer komissiiasynyŋ qūramy 13 adamnan 9 adamǧa qysqardy. Onyŋ sebebın qala äkımınıŋ orynbasary Nūrlan Nūrkenov tüsındırdı.
Byltyr qalalyq mäslihat deputattary käsıpkerlerge salyqtyq stavka mölşerın tömendettı. Atap aitqanda, boulingke 72 ailyq eseptık körsetkışten 30 AEK-ke tömendetılıp, aiyrbastau punktterıne 70 AEK belgılendı. Bıraq sodan keiın Salyq kodeksıne özgerıster engızıldı. Soǧan säikes stavka mölşerıne qaita özgerıs engızıldı. Būl turaly aitqan qalalyq İnvestisiialar jäne käsıpkerlıktı damytu basqarmasynyŋ basşysy Erlan Bekmūrzaev deputattardy atalmyş özgerıstermen tanystyrdy.
İmmunnotapşylyǧy bar jäne onkologiialyq aurularmen auyratyn balalarǧa toqsan saiyn 5 AEK mölşerınde äleumettık kömek qarastyrylǧan. Osy jönınde baiandama jasaǧan qalalyq Jūmyspen qamtu jäne äleumettık qorǧau basqarmasynyŋ basşysy Säule Nūrǧojina būl järdem kölemın ai saiyn 25 AEK-ke deiın köterudı ūsyndy. Sondai-aq qalaǧa «kögıldır otynnyŋ» keluıne bailanysty äleumettık osal toptarǧa gaz qūbyryn tartu qarastyrylǧanyn jetkızdı.
Sessiiada aitylǧan ūsynystar men tanystyrylǧan qūjattardy mäslihat deputattary bırauyzdan bekıttı.
