Syrttaǧy qandastarǧa qoldau
Astanada «Qasiettı Qazaq elı» atty xalyqaralyq öner festivalı öttı. Ekı künge jalǧasqan festival aiasynda jyr müşäirasy, terme saiysy ūiymdastyrylyp, qolönerşılerdıŋ üzdık tuyndylary körsetıldı. Şarany QR Qoǧamdyq damu ministrlıgı, «Otandastar qory» kommersiialyq emes aksionerlık qoǧamy jäne Dünie jüzı qazaqtary qauymdastyǧy bırlesıp ūiymdastyrdy.
Öner festivalıne Germaniia, Fransiia, Moŋǧoliia, Resei, Qytai jäne taǧy basqa elderdegı 50-ge juyq önerpaz qatysty.
«Elbasy Nūrsūltan Nazarbaev Dünie jüzı qazaqtarynyŋ V qūryltaiynda şeteldegı qandastarymyzǧa qoldau körsetetın qor qūryp, qarjy jinau kerektıgın tapsyrdy. Köp ūzamai Prezident tapsyrmasymen «Otandastar» qory öz jūmysyn bastap kettı. Mıne, sol tapsyrmanyŋ aiasynda qordyŋ ūiymdastyruymen alǧaşqy auqymdy şara öttı. Būǧan qosa, Elbasy şetel qazaqtaryna arnalǧan baǧdarlama jasaŋdar dedı. Ol äzırlenıp, Ükımet bekıttı jäne oǧan qajettı tiıstı qarjy da bölındı. Endıgı maqsat – syrttaǧy qandastarymyzǧa qoldau tanytyp, olardyŋ ūlttyq mädenietımız ben dästürdı damytuyna jaǧdai jasau» dedı Dünie jüzı qazaqtary qauymdastyǧy töraǧasynyŋ bırınşı orynbasary Zauytbek Tūrysbekov.
Sonymen qatar, Zauytbek Tūrysbekov bılım beru jobasy aiasynda qandastarymyzǧa elımızdıŋ körıktı jäne tarihi jerlerın körsetıp, otanǧa degen süiıspenşılıkterın arttyru baǧytyndaǧy şaralardyŋ ūiymdastyrylatynyn da atap öttı.
Festivaldıŋ bır erekşelıgı jyr, terme jäne qolöner dodasyna tek şetten kelgen qandastar ǧana tüstı. Aqyndardyŋ söz saptasyna, termeşılerdıŋ maqamyna, qolönerşılerdıŋ şeberlıgıne köŋıl qoiǧan qazylar alqasy tiıstı şeşım şyǧardy.