Memleket basşysy Qasym-Jomart Toqaev «Taza Qazaqstan» respublikalyq ekologiia aksiiasy aiasynda ūiymdastyrylǧan jalpyqalalyq senbılıkke qatysyp, elordadaǧy «Ūlytau» alleiasynda aǧaş otyrǧyzdy.
Prezidentpen bırge senbılıkke volonterler, «Assambleia jas,tary» ūiymynyŋ ökılderı, elımızdıŋ ǧylym, kreativtı industriia, mädeniet, sport salalaryndaǧy belsendı jastar jäne aldaǧy
V Düniejüzılık köşpendıler oiyndaryna qatysuşylar, Prezidenttık jastar kadr rezervınıŋ müşelerı atsalysyp, jöke aǧaşynyŋ 430 tüp köşetın ektı.
(Soŋy 2-bette) Qasym-Jomart Toqaev jastarmen äŋgımelesu barysynda qoǧamda ekologiia mädenietın qalyptastyru, tabiǧatty aialau maŋyzdy ekenın atap öttı.
«Şyn mänınde, elımızdı kögaldandyru, abattandyru – ülken memlekettık maŋyzy bar ıs. Būl bügın şyǧyp, erteŋ ūmytyp ketetın bırrettık nauqan emes. Atalǧan jūmys tūraqty türde jürgızıledı. Tuǧan jerımızdı taza ūstauymyz kerek. Būl – jalpyūlttyq mäsele. Qazaqstanymyz taza boluy qajet. Las elge qonaq retınde, investor retınde eşkım kelmeidı. Bıraq, eŋ aldymen, Qazaqstannyŋ taza, körıktı bolǧany bız üşın, iaǧni halyq üşın kerek. Būl kündelıktı ömır saltyna ainaluy qajet. Sondai-aq būl jūmys elorda jäne ırı qalalarda ǧana emes, şaǧyn qalalarda, audandar men auyldarda da ūdaiy ūiymdastyrylady. Bükıl Qazaqstandy taza ūstau özımızge, jastarǧa bailanysty. Men jastarǧa senemın. Sondyqtan jastarǧa zor ümıtpen qaraimyn» dedı Memleket basşysy.
Sonymen qatar Prezident zaŋ men tärtıp üstemdıgı bärıne qatysty ekenın aityp, vandalizmmen batyl türde küresu qajet ekenıne nazar audardy.
«Bız öz elımızdı maqtan tūtuǧa tiıspız. Meilı ol köşe, aula nemese üilerdıŋ kıreberısı bolsyn, bärıne ūqypty qarauymyz qajet. Vandaldarmen tabandy türde küresu kerek. Sondai-aq olardyŋ zaŋ jüzınde qataŋ jazalanatynyn aittym. Är närsenıŋ şegı bar. Äitpese bärın büldırıp alyp, keiınnen keşırım sūraidy. Elımızde tärtıp boluy kerek. Zaŋdy saqtau qajet» dedı Qasym-Jomart Toqaev.
Būdan keiın Memleket basşysy Botanikalyq baqty aralap, jalpyqalalyq senbılıkke qatysyp jatqan tūrǧyndarǧa, elordanyŋ kommunaldyq şaruaşylyq mekemelerınıŋ qyzmetkerlerıne rizaşylyǧyn bıldırdı.
Senbılık barysynda Prezidentke Astana qalasyn abattandyru jäne kögaldandyru jospary tanystyryldy. Qala äkımı Jeŋıs Qasymbektıŋ aituynşa, biyl 1,1 million jasyl jelek, sonyŋ ışınde qala aumaǧynda 35 myŋ, elordanyŋ jasyl beldeuı aimaǧynda 200 myŋ tüp köşet otyrǧyzu josparlanǧan. Sonymen qatar qaladaǧy 170 qoǧamdyq oryndy, onyŋ ışınde Esıl özenınıŋ boiyn, Aqbūlaq jaǧalauyn, sondai-aq Triatlon parkı, Beibıtşılık jäne kelısım saraiy, EKSPO maŋyn abattandyru jūmystary jalǧasady.
Astana äkımı byltyr elordany kögaldandyru jarǧysy qabyldanǧanyn atap ötıp, atalǧan qūjatqa säikes egılgen jasyl jelektı 3 jylǧa deiın kütıp-baptau mındetı jükteletının jäne ülken aǧaştar men köpjyldyq ösımdıkter otyrǧyzuǧa basymdyq berıletının jetkızdı.
Būdan bölek, Prezidentke «Myŋjyldyqtar alleiasyn» damytu jospary jäne Düniejüzılık köşpendıler oiyndaryna daiyndyq barysy jönınde baiandaldy.
