Astana qalasynyŋ äkımdıgınde Memlekettık qyzmet ısterı agenttıgınıŋ Astana qalasy boiynşa departamentı janyndaǧy «Tälımgerler keŋesı» konsultativtık-keŋesşı organynyŋ kezektı otyrysy öttı. Otyrysty Astana qalasy Qoǧamdyq keŋesınıŋ töraǧasy Sansyzbai Esılov jürgızdı.
Qazır memleketımız üşın käsıbi deŋgeiı joǧary mamandar daiyndau qandai özektı bolsa, jas mamandarǧa qoldau körsetu de däl sondai maŋyzǧa ie. Būl tūrǧyda aldyŋǧy tolqynnyŋ keiıngı tolqynǧa aqyl-keŋesın aityp, baǧyt-baǧdar sılteuı de artyq etpeidı. Osyǧan orai, memlekettık qyzmettıŋ bedelın nyǧaityp, memlekettık qyzmetşınıŋ imidjı men bolmysyn qalyptastyru maqsatynda Tälımgerler keŋesı qūrylǧan edı.
Mıne, bügın sol Tälımgerler keŋesı müşelerınıŋ aldyna aqyl-keŋesın tyŋdap, batasyn alu üşın qyzmetke jaŋadan taǧaiyndalǧan Astana qalasy Işkı saiasat basqarmasynyŋ basşysy Nūrdäulet Älmūhanov, Astana qalasy Säulet, qala qūrylysy jäne jer qatynastary basqarmasynyŋ basşysy Altynbek Ahmetov jäne Dın ısterı jönındegı basqarma basşysy Qairolla Köşqaliev keldı.
«Memlekettık qyzmettegı jaŋaşyldyqtyŋ bırı – osy Tälımgerler keŋesınıŋ qūryluy. Būl sala ünemı özgerıp, reformalanyp tūratyndyqtan, keŋeske qajettılık tuyndaidy. Osy uaqytqa deiın tört ret keŋes müşelerı bas qosty. Kezektı otyrystyŋ da maŋyzy joǧary. Är basqarma basşysynyŋ esebı tyŋdalyp, olarǧa maŋyzdy sūraqtar qoiamyz. Memlekettık qyzmetşılermen aşyq dialog ornatyp, är saladaǧy maŋyzdy mäselelerdı talqyǧa salamyz» dedı Keŋes müşesı Ersūltan Bektūrǧanov.
Elordanyŋ ışkı saiasatyn jürgızu – qaladaǧy maŋyzdy ärı kürdelı salanyŋ bırı. Astananyŋ Işkı saiasaty tört baǧytta jüielı jūmys jürgızudı alǧa qoiady. Būl baǧyttaǧy mäselelerdı basqarma basşysy Nūrdäulet Älmūhanov ortaǧa saldy.
«Astananyŋ qoǧamdyq-saiasi tūraqtylyǧyn nyǧaitu, elordanyŋ äleumettık jarnamasy men syrtqy bezendıru jaǧdaiyn oryndau, memlekettık aqparatty saiasatty jüzege asyru jäne saiasi partiialar men ükımettık emes ūiymdardyŋ özara ıs-qimyl jüzege asyru baǧytyndaǧy jūmystardy jürgızuge basymdyq berıledı. Elordada biyl 50-den astam äleumettık taqyrypta bezendıru jūmystary jürgızıldı. Barlyǧy 4 myŋnan astam jarnamalyq bezendıru jūmystary jasaldy. Biyl äleumettık sala boiynşa 15 joba josparlanyp, onyŋ 11-ı sättı jüzege asty. Jyl basynan berı memlekettık organdardyŋ qyzmetı turaly qazaq jäne orys tılınde 1243 material jariialandy. Basqarma aqparattyq jūmys şeŋberınde būqaralyq aqparat qūraldarymen tıkelei jūmys ısteidı. Sonymen qatar elordada ükımettık emes ūiymdar men etnomädeni bırlestıktermen belsendı jūmys jürgızılıp keledı» dedı basqarma basşysy.
Būǧan deiın Astana qalasy Säulet, qala qūrylysy jäne jer qatynastary basşysynyŋ orynbasary bolǧan Altynbek Ahmetov osy basqarmanyŋ basşysy lauazymyndaǧy özınıŋ jaŋa qyzmetınıŋ jai-japsaryn baiandap, alda atqarylar jūmystardyŋ legıne toqtaldy.
Dın ısterı jönındegı basqarma basşysy Qairolla Köşqaliev dıni bırlestıktermen bailanysty ornatu jūmysyn äleumettık jelıler arqyly jürgızudı basşylyqqa alyp otyrǧanyn jetkızdı.
Qalalyq memlekettık organdarǧa taǧaiyndalatyn bırınşı basşylardyŋ ömırbaiany men jūmys-josparyn tyŋdaǧannan keiın Memlekettık qyzmet ıster agenttıgınıŋ Astana qalasy boiynşa departament basşysy, Ädep jönındegı keŋes töraǧasy Äli Kömekbaev, Tälımgerler keŋesı müşelerı Mūhtar Erketaev, Uliaş Qūsaiynova jäne Meirambai Oralov ūsynys-pıkırı men aqyl-keŋesın aityp, olardyŋ basşylyq qyzmettegı jūmysyna sättılık tıledı.
