Qala tūrǧyndary men qonaqtaryn elordanyŋ zamanaui futuristık ǧimarattar men qūrylystardyŋ köptıgı taŋǧaldyrady. Osyndai ǧimarattardyŋ bırı – Täuelsızdık saraiy, ol öz atauyna qaramastan, özımız elestetetın zäulım saraiǧa da, klassikalyq stildegı sändı ǧimaratqa da müldem ūqsamaidy.
Astana tarihynda eŋ tez salynǧan qūrylys nysany retınde elordalyqtardyŋ esınde. Täuelsızdık saraiynyŋ qūrylysy 2007 jyly bastalyp, 2008 jyldyŋ aiaǧynda paidalanuǧa berıldı. Jobanyŋ avtory – türık säuletşısı Giultekin Linea, qūrylysty jürgızgen – Sembol İnşaat türık qūrylys kompaniiasy.
Täuelsızdık saraiy memleketımızdıŋ imidjdık nysany retınde öz qyzmetın atqaruda. Mūnda ırı halyqaralyq kezdesuler, forumdar, konferensiialar, kezdesuler jäne t.b. ötedı. Üş qabattan tūratyn keşennıŋ bırınşı qabaty ūlttyq jäne qazırgı zaman stilderınıŋ bırtuma üilesımımen bezendırılgen. Mūnda syiymdylyǧy 3000 adamǧa arnalǧan kongress-zal, räsımdeu zaly, press-ortalyq, syiymdylyǧy 678 adamdyq sahna men dybys apparaturasymen jabdyqtalǧan keŋ meiramhana ornalasqan. Ekınşı qabatta öner, etnografiia, arheologiia jäne antropologiia galereiasy ornalasqan. Tūraqty jäne uaqytşa qoiylatyn körkemöner körmelerı bar galereialar men körme zaldary bar.
Bır qaraǧanda, qazaq üiınıŋ keregesındei, irektelıp aq tormen aiqastyryp bezendırgen trapesiia türındegı äinekten jasalǧan ǧimarat. 4D kinoteatry, 360 gradusty kinoteatry halyq igılıgıne berılgen. Qazır mūnda kürdelı jöndeu jūmystary jürıp jatyr.
