Qala köşelerın qardan tazartu jūmysy elordada täulık boiy jürgızılıp jatyr. Äsırese kommunaldyq sala qyzmetkerlerı küşeitılgen rejimde eŋbek etude.
Keşe Astana aumaǧynan 9,4 myŋ tekşe metr qar şyǧaryldy. Taŋerteŋnen berı qar küreu jūmysyna 2,1 myŋ jol jūmysşysy jäne myŋǧa juyq arnaiy tehnika jūmyldyryldy.
Qar tazalau jūmysy Almaty audanynda qarqyndy jürgızılude. Bügıngı taŋda būl ıske kün saiyn 600-ge juyq adam jäne 400 tehnika tartylady.
Audan aumaǧyndaǧy qar poligonynyŋ şeberı Qairat Jūmanov mūnda kelgen KamAZ-dar aldymen baǧdarşamǧa toqtaitynyn, jasyl jaryq janǧannan keiın olar arnaiy tırkeuden ötetının jetkızdı. Odan keiın kölık jürgızuşısı postta otyrǧan tırkeuşıge baqylau qaǧazyn tapsyrady. Ol mör basyp, jürgızuşınıŋ poligonǧa kırgen uaqytyn jazady. Onyŋ bärı jurnalǧa tüsedı. Jürgızuşı sodan keiın ǧana qar qoimasyna baryp, äkelgen qaryn tögedı eken.
Almaty audany tabiǧatty qorǧau polisiia bölımşesınıŋ bastyǧy, polisiia podpolkovnigı Asan Qadyrov Astana qalasy mäslihatynyŋ 2017 jylǧy 17 şıldedegı abattandyru erejesıne säikes, jeke jäne zaŋdy tūlǧalar ırgeles jatqan aumaqty qardan, mūzdan, qūrylys qaldyqtarynan, qoqystardan tazalauǧa mındetteletının aitty.
– Abattandyru erejesı būzylǧan jaǧdaida, QR Äkımşılık qūqyq būzuşylyq turaly kodeksınıŋ 505-babynda körsetılgendei, jeke tūlǧaǧa 20 ailyq eseptık körsetkışten jäne zaŋdy tūlǧaǧa 30 AEK-ten 100 AEK-ke deiın aiyppūl salynady, – dedı A.Qadyrov.
«Astana tazalyq» JŞS-tıŋ uchaske bastyǧy Mädi Abdraevtyŋ aituynşa, Almaty audanynyŋ aumaǧyndaǧy qardy tazalau jūmysyna 6 avtogreider, 4 jük artqyş tehnika jäne jüktı özı tüsıretın 20 tehnika jūmyldyryldy. 18 qaŋtardan bastap 11851 tekşe metr aumaqtan qar şyǧaryldy.
«Elorda eco system» ŞJQ MKK şeberı Ǧaziz Toijanov Almaty audany boiynşa naualardy tazalau jūmysy jürgızılıp jatqanyn atap öttı.
– Almaty audany boiynşa nauanyŋ ūzyndyǧy – 8200 şaqyrym. Bügınge deiın onyŋ 147 myŋ şaqyrymy tazalandy. Būǧan 16 jūmysker, 8 tehnika jūmyldyryldy.
Qalany qardan tazartu jūmysyna «Astana kögaldandyru qūrylysy» JŞS-tıŋ jūmysşylary da atsalysuda. Mekeme brigadirı Altyngül Sadihan elordada tūrǧyndardyŋ jürıp-tūruyna qolaily boluy üşın joldardy arşyp, äsırese adam köp jüretın negızgı köşelerdı qardan tazartyp jatqanyn aitty.
– Audanymyzda 30 skver, 7 park, 2 bulvar bar. Bızdıŋ brigada qys boiy solardyŋ aumaǧyndaǧy qardy şyǧaryp, tazalauda, – dedı brigadir.
Jalpy, qys mezgılınıŋ basynan berı elordadan 3 mln tekşe metrge juyq qar şyǧaryldy. Qala boiynşa köşeler men jaiau jürgınşıler jüretın joldarǧa jäne adam köp jinalatyn oryndarǧa qūm-tūz qospasyn sebu jūmysy da jalǧasyp jatyr.
