Taǧdyr toǧystyrǧan
Qazaqstan Respublikasynyŋ Ūlttyq arhivınde Alǧys künıne arnalǧan «Taǧdyr toǧystyrǧan» atty qūjattyq körme aşyldy.
Mūnda Qazaqstan halqy assambleiasynyŋ qūrylu qūjattary, sonymen qatar elımızdıŋ tarihyndaǧy qiyn-qystau kezeŋderde, atap aitqanda, jappai quǧyn-sürgınge, 1936-1949 jyldary Qazaqstanǧa jer audarylǧandarǧa qatysty qabyldanǧan qūjattardyŋ köşırmelerı qoiylǧan.
Tarih taǧylymyn ūsynǧan körmenı memlekettık organdar men qoǧamdyq ūiymdar ökılderı tamaşalady. Sondai-aq alǧaşqy keluşıler qatarynda mektep oquşylary men student jastar da boldy. Olar körme söresıne qoiylǧan qūjattardy qyzyǧyp kördı.
Şara barysynda Astana qalasyndaǧy nemıs etnomädeni ortalyǧy qazaq jerıne jer audarylǧan ata-babalarynyŋ ömırı jaily jürek tebırenterlık qoiylym ūsyndy. Tatar-başqūrt jäne armian etnomädeni bırlestıkterı ökılderı de Qazaqstandy öz otanymyz dep ystyq yqylastaryn aitty.
Ūlttyq arhiv direktory Jangeldı Mahaşov bastaǧan mekeme qyzmetkerlerı keluşılerdıŋ bärıne körme qūjattaryn tanystyrdy. Körme bır ai boiy jūmysyn jalǧastyratyn bolady.