Elordada BINOM jaŋa buynynyŋ besınşı mektep-liseiı esıgın aiqara aşty. Qala äkımdıgınıŋ resmi saity habarlaǧandai, jaŋa mektepke qazaqtyŋ körnektı aǧartuşysy Ybyrai Altynsarinnıŋ esımı berıldı. Aşylu saltanatyna Nūr-Sūltan qalasy äkımınıŋ orynbasary Eset Baiken, qalalyq bılım basqarmasynyŋ basşysy Qasymhan Senǧaziev jäne «Bılım bolaşaǧy» kommersiialyq emes ūiymynyŋ ökılderı qatysty.
Endı BINOM oqu oryndaryna bılım men ǧylymnyŋ damuyna üles qosqan ūly tūlǧalardyŋ esımderın alatyn bolady. Atalmyş mektep-liseide oqytu ekı tılde jürgızıledı, qabyldau Bılım jäne ǧylym ministrlıgınıŋ ülgılık qaǧidalary boiynşa jüzege asyrylady. Jobalyq quattylyǧy – ekı auysymda 4 myŋ oquşy orny. Zamanaui syn-qaterlerdı eskere otyryp, mekteptıŋ materialdyq-tehnikalyq bazasy oquşylardyŋ funksionaldyq sauattylyǧyn damytuǧa mümkındık beredı.
Bılım beru salasyndaǧy MJÄ pilottyq jobalary elordada ötken jyldan bastap jüzege asyryluda. İnvestorlar äkımdıkpen bırlesıp salǧan oqu oryndary qala tūrǧyndary arasynda belsendı sūranysqa ie. BINOM mektepterı jelısınıŋ bılım beru prosesterın basqarudy «Bılım bolaşaǧy» kommersiialyq emes ūiymy jüzege asyratyn bolady, onyŋ basty maqsaty – Qazaqstan balalaryna qoljetımdı jäne sapaly bılım aluǧa teŋ mümkındıkter beru.
Nūr-Sūltanda 3 jyl ışınde 34 mektep salyndy. Oqu oryndarynyŋ qūrylysy qalanyŋ barlyq audanynda jürıp jatyr. Elordada 2022 jyly taǧy 11 mektep salynady, osylaişa 20 myŋnan astam oquşy orny aşylady.
Sonymen qatar, elordada mektep salu üşın 72 jer uchaskesı belgılendı. Jalpy alaŋy 120 myŋ oquşy ornyna (ekı auysymda 240 myŋ oquşy orny) arnalǧan oqu oryndaryn saluǧa mümkındık beredı. Būl jer uchaskelerı äleumettık nysandarǧa qajettılıktı eskere otyryp, qalanyŋ barlyq audanynda ornalasqan. Egjei-tegjeilı josparlau josparyna (egjei-tegjeilı josparlau jobasyna) ärbır audanda (şaǧyn audandarda) oqu oryndary boluy üşın arnaiy baǧyt bekıtıldı.
