TAKSİ QYZMETINE TIRKELU oŋai
Kölık qyzmetkerlerı assosiasiiasynyŋ töraǧasy Medet Qūrmanov öz betınşe jolauşylar tasymalymen ainalysatyn jürgızuşılerdı «Bus Lane» jolaqtaryna şyqqany üşın jauapqa tartylatynyn eskerttı, dep habarlaidy elorda äkımdıgınıŋ media ortalyǧy.
– Bız qazır resmi tırkelmegen taksi jürgızuşılerınıŋ «Bus Lane» arnaiy jol jolaqtaryna jiı şyǧyp ketetının baiqap otyrmyz. Bıraq olar būdan bylai jazasyz qalmaidy. Sebebı qyrküiek aiynan bastap «Sergek» jüiesınıŋ kömegımen jol jüru erejelerın būzu faktılerı, onyŋ ışınde jeke tasymalmen ainalysatyn taksi jürgızuşılerınıŋ «Bus Lane» jolaqtaryna şyǧuy äp-sätte anyqtalyp otyrady, – dep habarlady Medet Qūrmanov.
Elordanyŋ kölık qyzmetkerlerı assosiasiiasy töraǧasynyŋ mälımdeuınşe, qazırgı taŋda qoǧamdyq kölıkterden basqa «Bus Lane» jolaǧymen Astananyŋ jolauşylar kölıgı basqarmasynda resmi türde tırkelgen tasymaldauşylardyŋ kölıkterı jüredı.
Qazır resmi türde tırkelgen tasymaldauşylardyŋ sanyn arttyruǧa baǧyttalǧan şaralar qolǧa alynuda. Endı «Astana taxi» brendımen tek taksi qyzmetın körsetuşı kompaniialar ǧana emes, jeke taksi jürgızuşılerı de jūmys ıstei alady.
Qazırgı taŋda bıryŋǧai taksi qyzmetı jüiesıne tırkelu qiyn emes. Ol üşın taksomotorly kompaniialar qauymdastyǧyna habarlasu qajet. Kompaniianyŋ kölıkke qoiatyn talaptary bar. Kölıgıŋızdıŋ eskılıgı 7 jyldan aspauy kerek. Onyŋ tüsı aq bolǧany jön.