Astanadaǧy «Qazaqstan» ortalyq konsert zalynda P.İ.Chaikovskii atyndaǧy H halyqaralyq jasöspırımder baiqauynyŋ jeŋımpazdary men jüldegerlerı marapattaldy.
Biyl da jas muzykanttar arasynda dästürlı baiqau öz deŋgeiınde dübırlep öttı. Oǧan 17 jasqa deiıngı älemnıŋ 20 memleketınen kelgen 120-dan astam talantty önerpazdar qatysty. Olardyŋ bärı de öz elderınde bäigege tüsıp, suyrylyp alǧa şyqan ören jüirıkter. Klassikalyq muzykany süietın ärbır adam üşın ūly kompozitor Chaikovskiidıŋ orny bölek. Ol öz ǧūmyrynda 10 opera, 3 balet, 6 simfoniia, 20-ǧa juyq orkestrge arnalǧan şyǧarma, 100-den astam fortepianoǧa laiyqtalǧan pesa köptegen romanstar men änder jazǧan.
Şara barysynda P.İ.Chaikovskii atyndaǧy Halyqaralyq konkurs laureattary qauymdastyǧynyŋ bas direktory Andrei Şerba elımızde ötken baiqaudyŋ klassikalyq muzyka älemınde öz orny bar ekenın aityp, barlyq qatysuşylarǧa alǧysyn jetkızdı.
Sonymen, jeŋımpazdardy marapattau da bastaldy. «Violonchel» atalymynda bas jüldenı Japoniiadan kelgen Io Kitamura jeŋıp aldy. «Skripka» nominasiiasynda Koreiaden kelgen Neikiung Kang pen japondyq Iýdjin Kavaiganyŋ baǧy jandy. Osy atalym boiynşa ekınşı oryn alǧandar arasynda jerlesımız Aqbike Alǧi da bar. «Fortepiano» atalymynda AQŞ-tan at arytyp kelgen Kail Hu jeŋımpaz atandy.
Aita keteiık, biylǧy bedeldı baiqau QR Mädeniet jäne sport ministrlıgınıŋ «EKSPO-2017» halyqaralyq körmesı üşın daiyndaǧan mädeni şaralar şeŋberınde ūiymdastyryldy.
Azamat ESENJOL
