Elordada dästürlı türde balalar men jasöspırımder arasyndaǧy qalalyq HV-şı «Şattyq-2022» şyǧarmaşylyq baiqauy ötıp jatyr.
Atalǧan şara Nūr-Sūltan qalasy äkımdıgınıŋ jäne öner mektepterınıŋ ūiymdastyruymen 15-şı ret ötkızılude. Ondaǧy maqsat – balalar men jasöspırımderge öz daralyqtary men daǧdylaryn tanytuǧa mümkındık beru, sondai-aq şyǧarmaşylyq äleuettı damytyp, käsıbi bılıktılıktı joǧarylatuǧa kömektesu.
Nūr-Sūltan qalasy äkımdıgınıŋ «№1 öner mektebı» MKQK direktory Farhad Säbievtıŋ sözınşe, bügıngı şara balalardy şyǧarmaşylyqqa üiretedı. «Şaraǧa Nūr-Sūltan qalasyndaǧy 54 mektepten 171 bala qatysuda. Negızgı maqsaty – balalardyŋ önerge degen qūştarlyǧyn aşu, sahnaǧa beiımdeu. Özderıŋız bıletındei, Prezident tapsyrmasyna säikes, biyl «Balalar jyly» dep jariialandy. Qasym-Jomart Toqaev aitqandai, balalarǧa erekşe nazar audaru kerek. Sebebı olardyŋ amandyǧy – memleketımızdıŋ jarqyn bolaşaǧynyŋ senımdı kepılı. Sondyqtan da bügıngı şara osyǧan bailanysty ötıp otyr desem bolady» dedı F.Säbiev.
Qazylar alqasynyŋ müşesı, Qazaq ūlttyq öner universitetınıŋ oqytuşysy Däulet Täpenovtıŋ aituynşa, balalar men jasöspırımderdıŋ daiyndyǧy joǧary därejede. «Şattyq» şarasy – önerlı balalardy qoldauǧa kömektesetın baiqau. Jyl saiyn ötıp tūrady. Balalardy şyǧarmaşylyqqa baulidy jäne jas önerpazdardyŋ halyq aldyna öner körsetuıne taptyrmaityn mümkındık dep oilaimyn. Ūiymdastyruşylarǧa alǧys bıldıremın» dedı ol.
