Elordanyŋ Amfiteatr sahnasynda qalanyŋ 25 jyldyǧyna arnalǧan «Aialaǧan Astana» gala-konsertı öttı.
Astana qalasy äkımdıgınıŋ qoldauymen aşyq aspan astynda ūiymdastyrylǧan gala-konsertte «Aialaǧan Astana» respublikalyq baiqauynyŋ är jyldardaǧy 30-ǧa juyq qatysuşysy öner körsettı. Olardyŋ qatarynda halyqaralyq saiystardyŋ finalisterı men qazaq önerınıŋ jaryq jūldyzdary bar.
«Aialaǧan Astana» baiqauy alǧaş ret 2013 jyly ötkızıldı. Bügınde būl joba on jyldyŋ ışınde köptegen büldırşınnıŋ baǧyn aşyp, ülken sahnaǧa şyǧuǧa mümkındık beretın ystyq ūiaǧa ainaldy. Jyl saiyn baiqauda 8 ben 12 jasqa deiıngı balalar estradalyq vokaldan baq synaidy. Respublikalyq balalar baiqauy 2 kezeŋnen tūrady. Bırınşı kezende aimaqtar boiynşa ırıkteu ötse, ekınşı kezeŋde – final. «Aialaǧan Astananyŋ» jeŋımpazdarynyŋ qatarynda jas änşıler Bolat Batyrbaev, Mūhamedali Jügınısov, Daneliia Töleşova, Jänel Saduaqas jäne basqalary bar. Al biylǧy jyly üzdık atanǧan qatysuşy «Detskaia Novaia Volna» atty halyqaralyq baiqauynda Qazaqstannyŋ namysyn qorǧaityn bolady.
«Muzykalyq televiziialyq baiqauǧa 10 jyl boldy. Bız osy gala-konsertte är jyldardaǧy qatysuşylardy, onyŋ ışınde jeŋımpazdardy jinauǧa tyrystyq. Bügıngı konsertte baiqau qatysuşysy bolmasa da, Erjan Maksim öner körsettı. Qatysuşylardyŋ arasynda änşı Sadraddin de bar. Biyl da elımızdıŋ tükpır-tükpırındegı jas talanttardy jinap, olar elordada önerlerın ortaǧa saldy. Osylaişa, qala künıne orai talanttarymyz tūrǧyndar men qonaqtarǧa arnap ännen şaşu şaşty» dedı gala-konserttıŋ qoiuşy rejisserı Saian Myrza.
