Şahar basşysy Altai Kölgınov «Zarechnyi» eldı mekenın damytu mäselesın jergılıktı tūrǧyndarmen kezdesu barysynda talqylady.
«Audandarymyzdy, eldı mekenderımızdı tūraqty aralap, tūrǧyndarmen kezdesıp tūramyz. Būl joly «Zarechnyi» eldı mekenınıŋ tūrǧyndarymen kezdestım. Kezdesu barysynda bırqatar özektı mäsele köterıldı: mektep, balabaqşa salu jäne keŋeitu, su qysymy, elektr quaty, joldar men avtobus baǧyty, jyly aialdamalar men «Sergek» kameralary, gülzarlar jäne t. b. qozǧalǧan problemalardy jazyp aldyq, endı olardy ıske asyru boiynşa jospar qūramyz. №45 mektep tehnikalyq saraptama jürgızılgen soŋ kürdelı jöndeuden ötedı. Oquşy ornynyŋ qajettılıgın eskerer bolsaq, bırınşı kezekte osy mekteptıŋ aumaǧynda jaŋa korpus salu mäselesın qarastyramyz. Sol siiaqty №56 balabaqşany da kürdelı jöndeuden ötkızudı josparlap otyrmyz» dedı qala äkımı.
Sondai-aq äkım nazarynan sumen jabdyqtau problemasy tys qalǧan joq. «Osyǧan deiın aitqanymdai, byltyr bız 3-sorǧy-süzgı stansasy (SSS) qūrylysyna kırıstık. 3-SSS-tıŋ alǧaşqy kezeŋı biyl küzde ıske qosylady. Al tolyǧymen 2023 jyly aiaqtalady. 3-SSS qalanyŋ aldaǧy uaqytta salynatyn audandaryn auyz sumen qamtamasyz etuge, sondai-aq sumen jabdyqtaudyŋ qazırgı quatyn arttyruǧa mümkındık beredı. Būl eldı mekende jeke sektor baryn eskersek, ony gazdandyramyz. Osyǧan deiın Saryarqa men Almaty audandary gazdandyrylǧan. Biyl Esıl audanynda gaz taratu jelılerınıŋ qūrylysyn bastaudy josparlap otyrmyz. Būl audannyŋ jäne jalpy qalanyŋ ömır süru sapasy men ekologiiasyn jaqsartuǧa mümkındık beredı.
Eldı mekenderdı damytu – Memleket basşysynyŋ tıkelei baqylauynda. Kün raiy jylynǧan uaqyttan bastap qala köşelerın jöndeu, aulalardy, qoǧamdyq keŋıstıkterdı abattandyru, kögaldandyru jäne t. b. jūmystarǧa kırısemız» dep qorytyndylaidy qala basşysy.
