Talaptyǧa nūr jauar
Elımızde bolaşaǧynan ümıt küttıretın jas suretşıler az emes. Solardyŋ bırı – «Ūstaz – ūly esım», «Küz boiauy», «Mäŋgı el – Qazaqstanym», «Menıŋ anam – düniedegı eŋ jaqsy adam» siiaqty respublikalyq, halyqaralyq baiqaulardyŋ jüldegerı Jarqyn Tastanbek.
Baldyrǧan şaǧynan önerge äues bolyp ösken ol dombyra, hor üiırmelerıne qatysyp, sazben januarlardy, aŋdardy müsındeudı süiıktı ısıne ainaldyrǧan. 2014 jyldan berı Astanadaǧy №8 orta mektebınen bılım alǧan alǧyr oquşy fizika men qazaq tılı pänderınen olimpiadalarǧa qatysyp, jüldelı oryndarǧa ie bolady. Ülgılı oquşy retınde tanylǧan Jarqyn 8-synyptan keiın Qazaq ūlttyq öner universitetınıŋ daryndy balalarǧa arnalǧan mektep-internatynda «Keskındeme jäne müsın» mamandyǧy boiynşa bılımın jetıldırude.
«Akademiialyq keskındemenıŋ tehnikasyn meŋgeru köp suret saludy, talmai eŋbektenudı qajet etedı. Al Jarqynnyŋ önerge degen qūlşynysy zor. Eŋbekqorlyǧy taǧy bar. Sonyŋ arqasynda bıraz jetıstıkke de jetıp jür» deidı mädeniet salasynyŋ üzdıgı, oqytuşy Gülnar Mahanbetjanova şäkırtı jaily.
Jalpy, jas suretşınıŋ şyǧarmalarynda akvarel boiauy arqyly şynaiy qys beinelerı, auyl men qala tabiǧaty, Astana qalasynyŋ körıktı ǧimarattary körınıs tapqan. Keiıpkerımız keleşekte üzdık tuyndylardy ömırge äkeletın ülken qylqalam şeberı boludy armandaidy. «Talaptyǧa nūr jauar» degendei, örelı örennıŋ önerı örge jüzsın deimız. Onyŋ ata-anasy men ūstazdary da Jarqynnyŋ bolaşaǧynyŋ jarqyn bolaryna senımdı.