Taldyköldıŋ aumaǧyndaǧy eskı qorymdar men zirattar qorşalyp, jönge keltırıledı jäne zirat retınde tanytatyn belgıler qoiylady. Sonymen qatar Ülken Taldyköl jasandy jolmen qaitadan sumen toltyrylyp, ainalasyna qūrylys salu toqtatylady. Keşe elordadaǧy №5 balalar kıtaphanasynda ötken «Kışı Taldyköl aumaǧyndaǧy eskı qorym men zirattardyŋ bügını men erteŋı» atty ǧylymi-praktikalyq konferensiiada qatysuşylar osy mäselenı keŋınen qozǧady.
Jiynǧa Astana qalasynyŋ Işkı saiasat basqarmasynyŋ basşysy Däuren Babamūratov, filologiia ǧylymdarynyŋ doktory, professor Dihan Qamzabekūly, tarih ǧylymdarynyŋ doktory, professor Marat Äbsemetov jäne Taldyköldıŋ tarihyn bıletın osy öŋırde tuǧan aqsaqaldar men aq jaulyqty analar qatysty. Taldyköldıŋ kiesı men qasietın tarihşylar öz zertteulerı arqyly baiandasa, ata-babalary osy jerde jerlengen, özderı köldıŋ suyn ışıp ösken auyl qariialary körgen-bılgenderın ortaǧa saldy.
– Qazırgı taŋda bız topografiialyq üilestıru jūmystaryn jasadyq. Tört zirat ornyn belgıledık. Sol jerlerdı qorşaimyz jäne resmi qorym zirat degen atau beremız. Arnaiy qūran oqytatyn alaŋqaiy, qorym degen jazuy bar taqtaişa qoiylady. Soǧan säikes ol jerler zaŋmen qorǧalatyn bolady. Jylda būl oryndar ainalasyn audan biudjetı arqyly abattandyru da közdelude, – dedı D.Babamūratov.
Kezınde osy maŋda 1964 jylǧa deiın Taldyköl degen auyl bolǧan. Sol auylda tuǧan Ǧabit Mamyraev, Altynai Ermekbaiqyzy jäne basqa da qariialar sol auyldyŋ tarihy men köldıŋ qasietı turaly tamaşa estelıkter aitty. Tarihi taǧylymdyq mänı zor kezdesuden keiın endıgı jerde Taldyköldı tek qalpyna keltıru jūmystary ǧana jürgızıletınıne zor senım ūialady.
