Astana ırgesındegı «Taldyköl» sarqyndy su qoimasyna qatysty problemany tübegeilı şeşudı Memleket basşysy N.Nazarbaev elorda äkımdıgıne tapsyrǧany mälım.
Qala tūrǧyndaryn Astanany aragıdık jailap alatyn jaǧymsyz iıs endı mazalamaidy. Jyl soŋyna deiın «Taldyköl» sarqyndy su qoimasy joiylyp, bolaşaqta būl jer qalanyŋ bas josparyna säikes halyq demaluǧa keletın körıktı mekenge ainalmaq.
1970 jyly paidalanuǧa berılgen «Taldykölge» qaldyq sulardy tögu byltyr toqtatylǧan. Şirek ǧasyr boiy Astananyŋ kärız jüiesıne qyzmet etken eskı qoimanyŋ tübı qalyŋ qoimaljyŋ tūnbaǧa ainalǧan. Qazır köl tereŋdıgındegı balşyqty soru prosesı qarqyndy türde jürude. Ol iıs jıbermeitın qapqa salynyp, geotekstildı konteinerlerge jöneltılıp jatyr.
Bügınde Astanadan täulıgıne şamamen 200-240 myŋ tekşe metr qaldyq su Qorǧaljyn tas jolynyŋ 7-kilometrınde ornalasqan kanalizasiialyq tazartu ǧimaratyna kelıp tüsedı. Mūnda sarqyndy sular «Astana su arnasy» MKK basşylyǧymen tazartudyŋ tört kezeŋınen ötedı. Lastanǧan sudy mehanikalyq, biologiialyq jolmen tazartyp, qaita öŋdeidı. Būdan keiın ultrakülgın säulelermen zalalsyzdandyryp, zerthanada taldau jasalady. Bız kärız jüiesıne kelıp tüsetın kırlengen su men tereŋ süzgıden ötken sudyŋ sapasyn salystyrdyq. Bastapqysynyŋ iısı qolqany qabady ärı türı de qap-qara bolsa, soŋǧy sūiyqtyq – möldır, iısı joq, ışınde bögde zattardyŋ qaldyǧy da qalmaǧan. Tazartudan ötken būl sarqyndy su 2015 jyldyŋ 27 jeltoqsanynan bastap Esılge kelıp qūiylady.
– Byltyr sudy tazartu şaralary qolǧa alynǧan soŋ, Taldyköldıŋ kölemı 43 million tekşe metrge deiın azaidy. Būl körsetkış būǧan deiın şamamen 56 mln tekşe metrdı qūraǧan bolatyn. Tazartu tehnologiiasy avstriialyq täjıribege negızdelgen. Bügınde Taldyköl tübındegı balşyqty soru jūmystarynyŋ 37 paiyzy oryndaldy, – deidı qalalyq Kommunaldyq şaruaşylyq basqarmasy bastyǧynyŋ orynbasary Temır Äbjanov.
Mädina JAQYP
