1 qazan – Halyqaralyq muzyka künı. Osyǧan orai Astana qalasy memlekettık akademiialyq filarmoniiasy senbı künınıŋ keşınde, saǧat 18.00-de Kongress-holl sahnasynda bastalatyn «Taqiialy perışte» kinokonsertıne şaqyrady.
Qazaq kino önerınıŋ saŋlaǧy, KSRO-nyŋ halyq ärtısı Şäken Aimanov tüsırgen «Taqiialy perışte» muzykalyq komediiasy jaryq körgenıne jarty ǧasyrǧa juyqtasa da, körermenderdı älı künge deiın jalyqtyrmaǧan filmge ainaldy.
Elordalyq filarmoniia komediiadaǧy bärımızdıŋ ezuımızge külkı üiıretın oqiǧalardy jaŋǧyrtyp, süiıktı keiıpkerlermen qaitadan qauyştyrmaq. Atap aitsaq, filmde Ämina Ömırzaqova somdaǧan Tana şeşeidıŋ rölınde QR eŋbek sıŋırgen ärtısı Aijan Salaeva körınedı.
Niiaz aqsaqaldyŋ rölı Qazaqstan Jastar odaǧy syilyǧynyŋ iegerı Nūrai Tanabaevqa tapsyrylsa, basynan taqiiasyn tastamaityn Tailaqtyŋ beinesın kameralyq hordyŋ jeke oryndauşysy Rasul Nögerbekov alyp şyqpaq.
Tailaqtyŋ jüregın jaulaǧan Aişanyŋ rölın estradalyq änşı Marjan Myrzabekova somdaidy. Aişaǧa kereǧar keiıpker – Altynşaşty taǧy bır estradalyq änşı Gülmira Jūmabekova oinaidy. Qyzdar jataqhanasynyŋ komendanty Jamal apanyŋ beinesın aktrisa Maqpal Süleimenova somdamaq.
Kinokonserttı qoiu ideiasynyŋ avtory – Astana qalasy memlekettık akademiialyq filarmoniiasynyŋ bas direktory-körkemdık jetekşısı Säken Äbdırahmanov.
Komediia ondaǧy oqiǧalarmen ǧana emes, tamaşa muzykamen de körermennıŋ esınde saqtalady. Filmde aitylatyn änderdıŋ sözderı qazaqtyŋ körnektı aqyny Jūban Moldaǧaliev pen talai tamaşa än mätınderın jazǧan Leonid Derbenevtıŋ qalamynan tuǧan. Al «Taqiialy perıştenıŋ» muzykasy – Şäken Aimanov pen Leonid Gaidaidyŋ filmderın muzykamen körkemdegen kompozitor Aleksandr Zasepinnıŋ tuyndysy.
Sondai-aq, kinokonsertte kameralyq hor ärtısterı, «Şalqyma» halyq bi ansamblı jäne jeke oryndauşylar körınedı. Ana turaly ändı Bibıgül Janūzaq oryndasa, «Gül Almaty» syndy Alatau bauraiyndaǧy äsem qalany asqaqtatatyn änderdı Nūrbol Balapanov aitady.
Amanǧali QALJANOV
