TAŊDAULY QŪRYLYSŞYLAR TER TÖGUDE
Biyl elorda toiyna orai ūiymdastyrylatyn «Astana taŋdauy-2014» dästürlı baiqauyna «Qūrylysşy» atalymy boiynşa qatysuǧa 25 adam ötınış bergenın habarlaǧan edık. Onyŋ ışınde jas mamandar da, täjıribesı mol qūrylysşylar da bar. Olardyŋ barlyǧy käsıbınıŋ üzdıgı atanuǧa jäne elorda tūrǧyndarynyŋ qūrmetıne ie boluǧa laiyq.
Astanada 2420 oryndyq 11 balabaqşa men 9500 oryndyq 8 mekteptıŋ kırpışı qalandy. Qūrylys jūmystaryn biyl aiaqtau közdelgen. Bügınde №41 jäne Mirzoian köşelerınıŋ qiylysynda 1200 oryndyq mektep salynyp bıttı. Elordalyq Qūrylys basqarmasynyŋ habarlauynşa, 3200 orynǧa eseptelgen üş mektep 2015 jyly tapsyrylady. Sonymen qatar, biyl bırqatar densaulyq nysandary da paidalanuǧa berıledı. Atap aitqanda, İlinka tūrǧyn alabyndaǧy 150 adamǧa arnalǧan alǧaşqy medisinalyq-sanitariialyq kömek ortalyǧy, Esıldıŋ sol jaǧalauyndaǧy ambulatoriialyq-emhanalyq keşen (eresekterge arnalǧan emhana bır auysymda 350 adamdy, balalar emhanasy bır auysymda 150 adamdy qabyldaidy), J.Dosmūhamedūly köşesındegı 150 emdeluşıge şaqtalǧan alǧaşqy medisinalyq-sanitariialyq kömek ortalyǧy.
Aita ketken jön, Astana qalasy äkımdıgınıŋ saitynda 1-20 mausym aralyǧynda aşyq halyqtyq dauys beru ötude. Jalpy qalalyq «Astana taŋdauy-2014» baiqauy jeŋımpazdarynyŋ aty jalpaq jūrtqa jaiylyp, materialdyq syilyqtar alady. Sonymen qatar, ärbır jeŋımpaz turaly şaǧyn film tüsırılıp, respublikalyq telearnalardan körsetıledı.