Astana qalasynyŋ tūrǧyn üilerındegı päterlerge ai saiynǧy kommunaldyq tölem retınde 3800 teŋgenı engızıp, esesıne elorda tūrǧyndary üşın qoǧamdyq kölıkterdegı jolaqysyn tegın etu mäselesı köpşılıktıŋ qyzu talqysyna tüstı. Būl tūjyrymdamany «ūtymdy ūsynys» dep qoldaityndar da bar. sol siiaqty qarsy pıkır bıldıruşıler de joq emes.
Būl tūrǧyda qoǧamdyq kölıkte tegın jüruıne mümkındık jasau turaly «Astana LRT» kompaniiasynyŋ ūsynysyna bailanysty Astana qalasynyŋ äkımı Äset İsekeşev te pıkırın bıldırdı.
– Är päterden 3857,3 teŋge jinap, tūrǧyndardyŋ qoǧamdyq kölıkte tegın jüruıne mümkındık jasau, bır jaǧynan paidalanbaǧan qyzmetke aqy töletuge itermeleuı mümkın. Sondyqtan bastamany osy küiınde qabyldauǧa bolmaidy. Būl – «Astana LRT» kompaniiasynyŋ partiialyq tyŋdauda aitqan ūsynysy ǧana. Özge de ideialar men ūsynys-pıkırler saraptalyp jatyr. Äzırge naqty şeşım qabyldanǧan joq. Sondyqtan astanalyqtardyŋ alaŋdauyna negız joq, – deidı qala äkımı.
Qala basşysynyŋ aituynşa, qazırgı uaqytta Astananyŋ kölıktık keşenın damytu modelınıŋ alǧaşqy kezeŋı bastaldy. Arnaiy jūmys toby mäselenı şeşudıŋ türlı joldaryn qarastyratyn bolady. Barlyq saraptamalar jürgızılgennen keiın ūsynys äkımdıktıŋ qarauyna tüsedı.
Nūrdäulet KÄKIŞEV
