Tärtıp bar jerde tynyştyq ta bolady
Äkımdıktegı apta saiynǧy apparattyq keŋeste qala tırşılıgıne qatysty bırqatar maŋyzdy mäseleler qaraldy.
Biyl elordada jalpy audany 8,7 gektardy qūraityn 9 gül baǧy men jelek jol salyndy. Būdan bölek, jyl soŋyna deiın audany 14,2 gektar bolatyn özen jaǧasyndaǧy saiabaq pen audany 92 gektardy qūraityn Botanika baǧynyŋ qūrylysy aiaqtalady. «Osylaişa, 2018 jyly qaladaǧy kögaldandyrylǧan aumaqtyŋ audany 115 gektarǧa ūlǧaiyp, 15537 gektardy qūraityn bolady. Mūnymen qosa, elordanyŋ barlyq audandaryndaǧy aulalardy abattandyru jūmystary jürgızılıp jatyr. Bügıngı taŋda Astanada 1,4 myŋnan astam aula bar. Olardyŋ 300-ge tarta aulasy qalpyna keltırıletın bolady. Atalmyş jūmystardyŋ bıraz bölıgı aiaqtaldy» dep mälımdedı keŋes barysynda Ä.İsekeşev.
Yŋǧaily ärı qolaily infraqūrylymdy qalyptastyru üşın elorda äkımdıgı velosipedtık kölık jäne infraqūrylymdy damytu jospary äzırlenıp, bekıtıldı. Astana äkımı Äset İsekeşevtıŋ tapsyrmasy boiynşa aldaǧy bırneşe jylda elordada qalanyŋ bar aumaǧyn qamtityn 1717 şaqyrymdyq velojoldar salynady. «Jyl soŋyna deiın ūzyndyǧy 34 şaqyrymdy qūraityn velojol paidalanuǧa berıledı dep josparlanuda. Ol Esıl özenınıŋ aumaǧyn qamtidy. Astananyŋ ortalyq saiabaǧynan bastalatyn jol jasyl beldeu aumaǧyndaǧy velojolmen toǧysady. Būl alaŋnyŋ bır bölıgı bügıngı taŋda qoldanysta. Qala tūrǧyndary öz igılıgıne jaratyp jatyr» dep atap öttı Ä.İsekeşev.
Jaŋa infraqūrylymnyŋ sūranysqa ie ekendıgın eskere otyryp, Astana äkımı qyzyl tüske boialǧan velojoldary bar barlyq alaŋdarda arnaiy belgılerdı ornatudy jüktedı. Qauıptı jäne oqys oqiǧalardyŋ aldyn alu maqsatynda Astana äkımdıgı elorda tūrǧyndary men qonaqtaryn barlyq demalys oryndarynda tärtıptı saqtauǧa, jaŋa joldardy oryndy paidalanuǧa şaqyrady.